皓皓5歲生日派對篇～m記b-day party

3月29日(星期五)

上次講話皓皓今年想開生日會，但媽咪又冇時間花心思搞party，唯有用最快捷簡單完全唔駛煩既方法－－就係响麥當當開P喇！



雖然食物款式少，大人未必啱胃口，但好就好在有專人同小朋友玩吓遊戲搞吓氣氛嘛！不過話時話，媽咪諗住幾忙都好，點都設計張靚靚哋又搶眼既生日poster掛响會場影吓相，但原來麥當麥係唔畀咁做架，嘜嘢易拉架呀，氫氣球佈置呀，一律唔畀。。。。。有啲失望添！



冇得整易拉架，只係得一個stand擺响門口，自己帶一幅相貼落去～～

生日會點半開始，我哋一早到咗，但見啲工作人員坐晒响度開會(定傾偈?)，
遲遲都唔佈置場地。。。。。搞到啲朋友仔要堆晒响門口等。。。。

終於搞掂入得場。。。。。比較早到既朋友仔先嚟一張合照～～

怕怕醜醜咁收禮物，但媽咪睇得出佢好開心～～

最搞笑係同學仔送個戰士figure畀皓皓，皓皓竟然推番畀人，
因為佢話自己屋企有喎。。。。。。(皓皓你真有意思！)

Bear Bear契爺&契媽，老鼠哥哥都嚟湊熱鬧～～

同三個表姐合照～～

呢日皓皓大解放，狂食薯條。。。。

軒軒表哥仔埋頭默默寫，究竟寫嘜？

之唔係响麥當當送既生日卡上面簽名囉！

同遲嚟既同學仔補影相。。。。。
懿晴姐姐好搞笑，每次影相都會即刻衝埋嚟攝入鏡，仲要model上身咁擺晒甫士～～

食到咁上下，開始玩遊戲喇～～
Game 1：兩個一組聽麥當當姐姐指示做動作～～



Game2：以最快時間指出麥當當姐姐講既人/物～～
其中一次，姐姐要求佢哋指住著黑色衫又渣住相機既哥哥。。。。。。
於是成班小朋友'hur'一聲衝過去指住爸爸！
因為著黑色衫又渣住相機既男人。。。。。得爸爸一個，haha～～

Game 3：唱歌做動作～～

每玩完一個game就排隊攞禮物～～

玩完遊戲，重頭戲。。。。切蛋糕時間到～～



小朋友排排企唱生日歌～～

 

影大合照。。。。不過佢哋各有各望，都預咗影唔到架喇。。。。

 

皓皓，生日快樂呀～～



爸爸媽咪祝你永遠都健健康康，開開心心～～

許完願唱完歌吹完蠟燭，切蛋糕～～

皓皓對住個angry bird頭，好似無從下刀咁喎。。。。

 

皓皓其實都幾鍾意同女仔玩～～

個party得個半鐘，好快完。。。。。
臨走，同啲禮物影張相先～～

 

呢日真係要好多謝出席既親朋好友，仲有同學仔，你哋令皓皓過咗一個開心又難忘既生日會～～

party結束散band，皓皓同兩個男同學仔仲玩到唔捨得走～～

之後因為心心表姐要去茶具博物館影相交功課，所以我哋去咗香港公園～～

見到有個剪影檔，幫襯吓啦～～
阿叔隻手拎住既剪影就係佢照住皓皓側面既輪廓剪出嚟既，媽咪覺得好似個女仔囉～～

番屋企，急不及待拆晒所有禮物既花紙。。。。

收到好多利是＆禮物，真係要再次多謝大家對皓皓既愛錫～～

 

媽咪特登提前一日開生日會，咁正日就我哋自己一家人慶祝喇～～
正日去咗邊？下篇繼續講。。。。。

皓皓5歲生日前奏篇～未生日，先興奮！

3月30號係寶貝仔皓皓既5歲生日，前年媽咪已經想話幫皓皓開生日會，但係當時皓皓未讀幼稚園，朋友仔唔多，所以最終打消咗個念頭；上年諗住可以請同學仔嚟生日會熱鬧吓，點知怕醜仔皓皓一聽到話要同同學仔一齊玩遊戲，即刻耍手兼擰頭，所以爸爸媽咪都唔勉強佢。。。。。今年，再問皓皓想唔想請埋同學仔嚟開生日會，心裏面都係諗住一切跟皓皓意願，佢話想咪開囉，等佢開心吓嘛；如果佢仍然抗拒既，咁就同屋企人慶祝就算喇～～

結果？都有少少意外，皓皓竟然肯開喎。。。。原因？應該係受同學仔影響卦！話說有次皓皓出席同學仔生日會，見到人哋收到好多禮物，雙眼發晒光咁滯，仲流露出好羡慕既神色。。。。當媽咪問皓皓既時候，佢只係聽見要一大棚人一齊玩遊戲嗰刻有一絲絲既猶疑，之後就好堅定咁話自己唔驚，一定要開咁話喎～～



於是，爸爸媽咪就去麥當當落訂。。。。。
當媽咪寫邀請卡既時候，皓皓表現得好興奮，除咗幫手唱名畀媽咪寫卡之外，
仲好積極咁幫手遞信封啦，痴貼紙啦。。。。
見到佢咁，媽咪都開心埋一份呀！


除咗送個生日會畀皓皓之外，爸爸媽咪仲精心挑選咗份生日禮物畀佢。。。。。。

就係波衫喇。。。。。。

勁開心～～

事關呢隊係佢既愛隊之一：曼聯！

除咗曼聯，皓皓既愛隊仲有皇馬同巴塞。。。。。
話說有次爸爸踢winning叫皓皓揀一隊球隊，皓皓爆笑地答：
我隊隊都鍾意喎！皇馬有c朗，巴塞有美斯，曼聯有雲佩斯，我全部都鍾意，你叫我點揀喎？

所以呢，爸爸就幫皓皓套波衫印埋字。。。。。
佢既三大偶像之一～～雲佩斯！

爸爸送曼聯，媽咪就送皇馬。。。。。

皓皓持續亢奮中。。。。。

買皇馬，當然就印C朗啦！
皓皓問：點解冇個C字既？
HAHAHA。。。。。又係喎！點解呢？

最爆笑係，有一日，皓皓同芬姨暗示，佢有雲佩斯同C朗，爭件巴塞美斯喎。。。。。
搞到芬姨即刻想仆去買件畀佢～～～
可惜冇晒皓皓既SIZE，亦冇晒美斯既字，冇得買～～～

另外，爸爸媽咪亦提早送咗呢兩份玩具畀皓皓～～
將donut & hamburger全部疊起，跌咗就輸架喇～～
成功疊起，開心到振臂歡呼！

除咗爸爸媽咪，仲有芬姨提早送禮物。。。。
離晒譜，竟然送咗成堆戰隊玩具畀佢～～

海賊戰隊啱啱開始播，皓皓又已經迷上喇～～
除咗左手面枝槍係爸爸媽咪早前買既之外，其餘全部都係芬姨送。。。。
皓皓今次真係發達咯！

生日第一cake～～
好可愛既足球蛋糕。。。。。

皓皓勁LIKE～～

 

呢個蛋糕係畀皓皓帶番幼稚園開生日會既～～
因為放復活節假既緣故，三月份既生日會提早响22號舉行，
皓皓知道自己係生日會主角，心情好好好好。。。。好靚囉！


今年皓皓未到30號正日生日，已經收到連連驚喜；
至於生日會實況同正日慶祝活動，下篇再講喇～～

三月份雜記

3月2號，爸爸既表弟個b滿月酒，皓皓同較少見面既表叔＆表妹合照～～

又約咗哈哈哥哥一家打羽毛球，兩個小朋友打到碌晒地，好似浮誇咗啲喎，兩位！

下學期觀課日，媽咪請唔到假，得爸爸同嫲嫲去～～
爸爸話，好難先影到一張相喎。。。。。辛苦晒！
番嚟叫爸爸報告吓啦，點知佢話：上堂講故事囉，然後出去玩囉，跟住食茶點囉～～
果然係簡而精！

某日又响屋企玩衝力射球，仲大聲嗌：
嫲嫲！你唔好眨眼呀！跟住落嚟會有精彩既入球，就係。。。。
笠射！同埋烏龍球！
Wakaka！烏龍球都叫精彩既入波？

爸爸既中學同學响英國番嚟，仲專程帶咗件波衫畀皓皓，真係多謝晒呀！

又去踢波。。。。。

今次有軒軒表哥仔陪踢～～

而家比較鍾意痴住表哥玩，始終成個屋企裏面，表哥同佢既年紀最接近，最啱玩～～

送畀媽咪既復活節卡。。。。
第一次寫自己個名。。。。。到宜家，佢已經識寫晒自己成個名喇！
爸爸媽咪見皓皓K2先開始學啲簡單既中文字，真係估唔到佢會咁快識寫自己個名～

某日出街等巴士既時候影既，拎住KITTY，係咪好女仔呢？

又嚟羽毛球日，不過今次唔係同哈哈哥哥打，係懿晴姐姐～～

3月27號，去咗數碼港個PLAYROOM玩～～

好耐冇同皓皓嚟玩啦，呢日見冇嘢好做，又唔想同佢踢波，所以就嚟呢度喇～～
（註：陪皓皓踢波，真係好鬼勞動架！）

夜晚去咗太古行吓，食埋DINNER至番屋企～～
元氣集團既丼丼屋（DONDONYA），估唔到，啲料幾新鮮喎。。。。