同上次去完東京之旅一樣，媽咪番黎之後成日都會睇番啲旅行相，因為真係好回味日日都係玩同食，日日都可以黏住皓皓bb既日子！
總結今次旅行，都有啲失望既地方：
～食嘢同買嘢都比東京稍為遜色，爸爸媽咪最愛食壽司，而今次個旅程只係食咗兩餐；同埋上次七月頭係大減價，買到既嘢始終較多。。。。
～有啲地方plan咗去但係去唔到（唔夠時間或者冇開門），如即食麵發明館、祗園、哲學之道同埋神戶。
～去到機場搵唔到郵局，冇得寄明信片；上次東京嗰次寄咗張生日卡俾軒軒表哥，寄咗張明信片俾阿b，諗住每次旅行都咁做黎留個紀念，點知軒軒嗰張收到，我哋嗰張就寄失咗。。。。今次，就直程寄唔出。。。。
咁當然呢啲都係小瘕疵，開心既事始終多好多：
～最重要：爸爸媽咪同阿b又多咗一段開心難忘既回憶。
～買既嘢雖然少咗，但去多咗好多好值得去既地方，尤其是重遊清水寺，勾起唔少甜蜜既回憶，仲可以帶埋阿b黎，感覺好幸福
～阿b有晴姐姐做伴，覺得佢比上次玩得更開心；又可能同小朋友多咗溝通，覺得佢識多咗好多嘢，例如講餅餅、汔水、糖。。（餵食豬即係餵食豬，又係食物名居多）
好，總結吓今次旅行既戰利品先～～
呢啲係阿b既：四對鞋、三件褸、一個背包、一頂帽、
六件衫、一件冷外套、一條褲、兩件外套。
上面呢啲係送俾家姐既！
送俾表哥表姐同芬姨嗰啲又唔記得影！
爸爸响海遊館買既福袋。。。
媽咪既hello kitty福袋，入面有嘜？
就係呢一堆喇！
阿b既anpanman福袋、公仔同埋日用品。
哎吔！影漏咗玩具添！
一堆抽獎呀、買呀既精品！
當然仲有一堆hello kitty精品。
响Sario買兩隻有阿b既名既公仔匙扣～～HO～～
同埋印有阿b生日日期既毛巾仔，點知天意弄人，
媽咪明明响3月30日個架度攞，
買咗先知條巾原來係3月20日，激死人！
媽咪只係買咗八件衫、一對鞋。。。。
其實收穫最豐富既係爸爸，
但係冇影佢既戰利品。
爸爸話唔好影喎！
緊係驚有太大對比，自己會唔好意思啦！
）
