端午節嗰日，我哋去咗Face Studio影家庭照，今次係阿b第二次去studio影相，雖然阿b冇好似第一次咁著住唔同既造型服影張，但係出黎既效果都好ok，結果爸爸媽咪由原定計劃只係要25張相，最後把持不定要晒百幾張，喪癲！
第一個場景～～好色彩繽紛。。
阿b未warm up，有啲扭計～～
到啲姐姐出動五顏六色既波波引佢玩，
佢先至開始投入。。。
第二個場景～～
插褲袋，型唔型仔？
响幾本書既襯托下，阿b都幾有書卷味喎！
第三個場景～～
騎羊羊。。
第四個場景～～
搖滾band房。。
不過呢個bb一啲都唔搖滾，斯斯文文咁。。。
仲有啲怕醜添。。。
第五個場景～～
bear bear 睡床。。
同幾個影相既姐姐玩到好興奮！
第六個場景～～畫黑板。。
好鍾意呢張，好可愛！
心心表姐都一齊影咗幾張。。。
最後一個場景～～
查實係嘜嘢背景都冇，只係用黎影全家福。
不過到呢個moment至係阿b全情投入既時段，
所以影到好多阿b趣緻，古靈精怪既表情。
呢張至攪笑。。。
俾姐姐整蠱，將個波波收埋入件衫度。。
出年阿b三歲，媽咪打算俾阿b影多輯造型照
8月20日(星期四)
今日爸爸媽咪放假，我哋既行程相當緊密，事關媽咪應承帶心心＆詩詩表姐去影公主造型照。。。。
我哋先去奧海城會合芬姨同心心表姐佢哋。。。。
是旦搵間鋪食個快lunch。。。。。
阿b全程禁實支忌廉，慌死俾人搶走！
狂啜。。。咁冰凍都頂得住，服咗佢！
後面既軒軒表哥&心心表姐&詩詩表姐玩吹泡泡玩到顛晒，阿b明明好想玩，但係都要賴死企硬，點都唔肯自己行。。。。
寧願唔玩！索性踎响度，真係吹佢唔脹！
去到影樓，阿b當然要表演佢既強項～～攪攪震！
擔天望地～～因為四周圍既嘢對佢黎講都好新鮮！
仲有佢最鍾意既包包超人。。。。
後面有個假屎坑，好想俾阿b坐落去影幅相。。。。
但係呢度唔俾影相架！
咁點解媽咪影到咁多張？
咪偷影架囉！媽咪係咪好有潛質做狗仔隊呢？
呢度加$100多1個造型，媽咪咁都偷影咗張鋼琴造型。。。
於是爸爸話：嘩！抵呀！你賺咗$100呀！
好啦，俾心心＆詩詩表姐啲造型照大家睇吓。。。。
心心表姐：http://photo2.mybb.hk/LeungYuetSum
詩詩表姐：http://photo2.mybb.hk/LeungYuetSze
哈哈！咁唔爭在重溫埋我皓皓bb既造型照啦。。。。
～～Bye～～
