尋日(9月30日)係阿b既歲半生日，爸爸媽咪冇特別為阿b慶祝，一來爸爸媽咪要番工，二來尋晚落好大雨，三來阿b有少少唔舒服。爸爸、媽咪同嫲嫲尋日黃昏六點左右冒雨出佐敦同阿b睇醫生，醫生話阿b冇嘜事，只係有少少鼻水，就係咁，爸爸媽咪就順便同阿b打埋歲半針～～真係送咗份大禮俾阿b！
不過不得不讚阿b叻仔，仲記得上一次打針，阿b見到個醫生已經開始喊；睇眼耳口鼻嗰陣喊到拆天；打埋支針，喊到唔收聲。。。。估唔到今次－－由頭到尾都冇喊，吉針嗰一吓，冷靜到冇人相信(郁都冇郁一吓)，連醫生姑娘都猛讚阿b叻叻！阿b，你真係大個仔喇，估唔到爸爸媽咪送份咁'痛'既禮物俾你，你回贈番一份令我哋咁驚喜既'禮物'。好啦！見你咁乖仔，爸爸媽咪又放假，你又冇嘜唔舒服，就襯今日十一國慶既日子帶你出街玩兼補祝番歲半生日啦！
又係爸爸媽咪既'飛佛'日本料理呀！
等我黎做reception啦！
羅先生，三位！
係咪似模似樣呢？
好味呀！
＠海港城
阿b唔知隔住塊玻璃，成日想攞窗櫥入面啲嘢，好攪笑！
媽咪，點解攞唔到既？
唔駛照喇，阿b！好型仔喇！
點解咁多人？阿b有啲迷惘。
係咪睇得心心表姐多呢？阿b幾鍾意彈琴。
又係做運動時間。。。
阿b自己揀粉紅色呢架話要坐，不過佢真係就快唔夠坐喇！
冇幫襯，攪攪震！
唔買衫，但係玩人哋鋪頭入面架車仔！
阿b，爸爸媽咪祝你歲半生日快樂，永永遠遠都咁愛你
