2月7日(星期一)&2月8日(星期二)
今年既新年假得七日，由年晚放到初六，人日就要番工喇，而初一至初四都係拜年多，所以得番初五初六可以同皓皓周圍去玩吓。。。。。
初五，我哋去咗參觀鐵路博物館。。。
見到火車，好興奮~ ~ ~
可以行路軌坐路軌，仲興奮！
雖然地方唔係好大，路程又頗為遙遠，
不過皓皓鐘意，都值得黎既！
撳掣，火車模型就會郁。。。
爸爸&皓皓~ ~ ~
兩仔爺好合拍喎！
上火車喇喂！
參觀完兩列火車，我哋就走喇！
皓皓話：bye bye火車！
睇完火車，見時間尚早，又咁啱見到架去林村既van仔，
所以就黎咗呢度喇！
一入到去皓皓就俾一大堆風車吸引住。。。
揀完風車，就响後面間鋪嘆豆腐花&魚蛋燒賣~ ~
魚蛋~ ~係皓皓勁'飛佛'既小食。
食完嘢，就梗係要去許番個願啦！
皓皓拎住嗰朵蓮花係許願燈黎架！
至於呢個，就用黎寫上願望拋上許願樹既~ ~
皓皓bb，扮晒識寫字咁喎！
呢set許願套餐，盛惠50大元。。。
我哋驚拋極都拋唔上許願樹，所以選擇掛响度算喇！
同我哋張願望紙一齊影番張相先~ ~ ~
行到黎願望樹，見棵樹好似無想像中咁高，
早知試吓拋啦！
最後黎水池度放埋願望燈就走喇！
話說點著咗個願望燈之後，皓皓係都話要吹蠟燭，
俾佢吹脹！
皓皓學人舉高風車，等啲風吹郁個風車。
今日原本諗住淨係睇火車，結果可以黎林村許埋願，
都算係意外收穫！
黎到初六喇，初六夜晚媽咪約咗一大班同事食飯，
朝早無特別嘢做，於是就。。。。
約埋芬姨呀，七豬丈呀，表哥表姐呀去南丫島行吓。
原本諗住由榕樹灣食完飯行過索罟灣，
點知行唔夠半粒鐘，已經頂唔順，
最後响海灘玩吓bubble然後折返算喇！
呢隻bubble吹既時候會發聲，皓皓吹得好起勁。
附近住既人家種既玫塊花。。。
叫爸爸同皓皓影番張似行山既相先，hehe！
行到阿婆豆腐，一人整番一碗！
大個bb見人人有碗，自己都唔想執輸，
心急想搶番碗之下。。。。
嗚。。。成碗倒瀉咗！
豆花都ok滑既~ ~ ~
見媽咪影相，又想搶相機！
睇怕部相機都好快會俾皓皓整爛！
夜晚帶埋皓皓去牛頭角同同事食飯，
點知一張相都唔記得影喎，失策！
個新年假咁短，真係唔夠喉呀！
