三個生日蛋糕~~~

九月份係心心表姐同婆婆既生日，仲有一個蛋糕既主人，就係媽咪個心肝寶貝～～皓皓喇。九月尾皓皓三歲半喇，為咗滿足鍾意吹蠟燭既皓皓，同上年一樣，我哋都有出街食飯＆買蛋糕同佢慶祝。。。。。。

首先講皓皓三歲半既生日先啦~~

9月30日(星期五)

呢日學校為咗令小朋友認識國慶，攪咗個中國服日，媽咪專登去買件印咗條龍既外套俾皓皓，點知。。。。。
後尾睇番新年啲相，先發覺件衫原來我哋都有架～～～就係軒軒表哥仔唔啱著而俾皓皓既；
媽咪真係大頭蝦，竟然係一模一樣既都唔記得，走去買多件。。。。



爸爸呢日放假，佢去接皓皓放學，等埋媽咪放工，我哋就入屯門三聖邨喇～～

入三聖邨係食海鮮，不過間酒樓啲燒鵝好似好正咁，所以嗌咗個例牌。。。。。

但係主力當然係食海鮮啦～～～～
海鮮係响海鮮檔買去酒樓加工既。。。。。
加拿大象拔蚌刺身係媽咪既飛佛，爸爸知道媽咪超鍾意食，所以佢唔會食太多，
次次都係媽咪成條食晒咁滯，正到爆～～

仲有聖子王。。。。。。

油鹽水花甲，好新鮮好好味呀～～

 

食完海鮮，就搭車落銅鑼灣Sogo買蛋糕番屋企切～～

 

鍾意吹蠟燭既皓皓猛咁要求爸爸點多一次俾佢吹。。。。

皓皓，三歲半生日快樂～～

9月18日(星期日)～～婆婆生日

呢日係婆婆生日，我哋出咗九龍同婆婆切蛋糕慶祝，然後一家人去酒樓食晚飯。。。。
婆婆湊大媽咪幾兄弟姐妹真係好辛苦，媽咪希望婆婆永遠都開開心心，身體健康～～

9月16日(星期五)～～心心表姐生日

呢日係心心表姐生日，爸爸同媽咪都好錫心心表姐，所以一早預咗放工之後出黎同心心表姐慶祝生日，點知表姐呢個禮拜勁多功課，佢又想星期六黎我哋屋企玩喎，所以佢呢日要盡快完成晒啲功課，咁星期六日都可以玩得盡情啲喇～～

芬姨同心心唔出黎，我哋唯有自己搵節目。。。。。
爸爸接完皓皓放學，就黎九龍灣等媽咪放工，然後去冒險樂園玩～～

跟住又去食海鮮。。。。。不過今次去鯉魚門～～

9月17日(星期六)，心心表姐黎我哋屋企，當然要同佢補番慶祝生日啦～～
 

爸爸媽咪送俾表姐既禮物～～

男仔頭既表姐竟然都鍾意炎神戰隊，佢勁鍾意銀戰士，咁爸爸媽咪就投其所好，買副銀戰士既裝備俾佢。。。。
皓皓好奸，見到表姐副玩具係新既，就攞自己副舊既出黎話同人交換。。。。

許願。。。。。。。。

切蛋糕。。。。。。。。。。



嗌咗sushi番屋企食，我哋切完蛋糕就開餐喇～～
嘩，唔驚唔覺，心心表姐11歲喇，爸爸媽咪拍拖嗰陣已經成日帶心心表姐出街玩，
嗰陣佢仲係bb仔，而家就黎升中一lu，時間。。。。。真係過得超快～～～



終於寫晒九月份既blog，要加把勁～～～～～～～～～～～