爸爸既'飛佛'其實都幾多，其中一樣就係買波衫，上個禮拜佢去買佢隊愛隊（國際米蘭）既波衫，諗住買套俾我一齊著父子裝，點知國米冇bb size，唯有買．．．．
紅魔鬼Manchester United
呢個就係我既專用足球～～包包超人彈彈波
爸爸話戴埋副超至夠型喎！
等我裝吓啲狗仔隊(媽咪？？？)影完相未先？
係咪好有巨星feel呢？
嗱！唔好再影喇！拆你菲林架．．．
係都要影，都冇你咁好氣．．．．
差啲唔記得介紹，後面著28號衫位阿叔就係我個教練～～７豬丈！不過佢而家同心心＆詩詩表姐講緊耶穌，唔得閒教我踢波。呀！又講錯添！唔係教我踢波，係教我守龍門．．．
佢淨係識守龍門
8月14日(星期五)
呢日爸爸媽咪放假，佢哋帶我去食佢哋間'飛佛'日本料理(真係食唔厭架喎佢哋)，然後响沙咀行街街。。。。
必食精選～～16件sushi！
件件都生既？我咪即係冇得食？
咦？終於搵到舊熟架喇．．．．
咁難得搵到舊熟既，點解要攞走佢？
算你哋有番啲人性，俾蒸蛋我食．．．．
後記～～阿b第一副黑超
以前買嗰啲都係攞黎玩既玩具超，今次呢副係真真正正既用黎襯衫既黑超。叫阿b試戴，媽咪讚佢好靚靚好型，佢好似識聽咁唔除咗佢，仲仰高個頭俾媽咪影相．．．．阿b真係開始大個仔喇，好多說話佢都聽得明，仲會識俾反應添！
阿b好似幾滿意副超喎！hahaha！
