一個多月冇打blog喇,原因係聖誕假淨係掛住玩,懶得打blog,過完聖誕之後公司就忙到踢晒腳,多嘢做到透唔到氣;加上屋企發生咗啲唔開心既事,真係有啲心力交瘁。成個1月,除咗爸爸生日之外,個感覺都好差勁,要面對一啲好唔想面對既事情....原來,人面對死亡,真係咁無能為力,實實在在感受到何謂'天命不可違';亦確確切切反省到,人真係要珍惜:呢一刻你擁有既嘢,可能下一秒就會失去....希望新既一年,唔開心既事情一掃而空,明天~~~將會更好!
皓皓bb既成長印記,媽咪從來都冇諗過放棄,亦唔希望有半點遺漏,所以..唔好意思喇,要同大家講番聖誕假期間既事~~
12月24日(星期五)
平安夜,我哋成班人上咗輝契爺既新屋企開p~~~
嗌到會....而家睇返啲相,口水都流埋~~
同哈哈哥哥有共同嗜好:就係鍾意玩車喇!
所以兩個小朋友好快就玩埋一堆~~
交換禮物時間:哈哈哥哥抽完,到我皓皓抽喇!
唔知抽到咩禮物呢??
老鼠哥哥&皓皓bb~~
吓?仲要等影埋大合照至拆得禮物?
一人一份,皆大歡喜...
抽到咩禮物呢?吸引埋哈哈哥哥走埋黎一齊玩既?
仲好開心好緊張咁既款喎~~
原來擺個銀响白色圈度,裏面隻貓仔就會伸隻手出黎偷咗個銀~~
皓皓戰戰兢兢擺個兩蚊雞上去....
個蓋打開,好緊張....
睇住隻貓手偷完個兩蚊銀~~勁興奮!
輪到玩哈哈哥哥抽到既禮物喇~~
係夾糖機黎架!
玩玩吓見攰,皓皓索性成個人趴响地下...
玩得好開心既一個平安夜~~
12月25日(星期六)
諗住平安夜會玩得夜,所以聖誕呢日爸爸都攞咗假....呢日我哋先去尖沙咀壽司廣食lunch。冇錯!又係壽司廣呀!
邊個叫除咗爸爸媽咪鍾意食sushi之外...
連我皓皓bb都咁鍾意食啫?
有嘜辦法唔成日黎食喎?
食完lunch,行去1881影相....
後面有旋轉木馬....
心心表姐話好想坐喎~~
攤大晒手板,想要咩嘢呀?
除咗靚靚旋轉木馬,仲有棵靚靚聖誕樹...
天寒地凍,夜晚買外賣番屋企食算喇!
仲買咗個聖誕蛋糕....
大家都唔係太好食蛋糕,不過見皓皓咁鍾意吹蠟燭...
咁是但啦!就買個番黎切啦!
睇吓隻皓皓傻豬仔~~有得吹蠟燭幾開心!
吹完又點、點完又吹...
滿足晒皓皓既心願~~
雖然話唔太鍾意食,但竟然都差唔幾成個食晒~~
連一向唔鍾意食蛋糕既皓皓都食咗一舊~~
12月26日(星期日)
呢日又開P呀,今次响婆婆屋企....
Ling Ling 舅母整既沙律幾有心思:
用蟹棒砌棵聖誕樹出黎!
軒軒表哥,快啲同你媽咪整既聖誕樹沙律影相留念啦!
魚蛋好好味!都係Ling Ling 舅母整架!
兩老表每人渣枝CC Lemon玩'乾杯'~~
玩足三日,夠晒攰呀!