呢個新年，爸爸媽咪齊齊放假到初七，媽媽原本諗住行個大運，同我皓皓bb行勻港九新界，但係因為有好多日要去拜年，爸爸媽咪又要過大海，剩餘既日子寥寥無幾，所以呢個行大運大計最終都係失敗咗．．．．
呢日係初三唔駛拜年，起身等換衫同爸爸媽咪出銅鑼灣行大運．．．．
點知換完衫衫竟然俾我執到d正野．．．．
就係唔知邊個食完燕窩亂咁劈既樽喇！
嘩！個樽邊仲 'lam' 到少少味．．．．
食得唔好 'sign' ，我好有衣食架！
食完燕窩，爸爸媽咪同我去spaghetti house 食lunch。
話明係新春行大運．．．．
點都要响d年花前面係咁咦影張相既！
就係咁就行完一日大運，跟住要等到初六喇！
因為初五爸爸媽咪過澳門，至於初四．．．．
你哋睇！換好晒衫，出發去表姑姐屋企拜年 lu！
今日係新正頭年初三，我皓皓bb响呢度同大家拜個年，祝大家牛年行好運，唔駛成日四圍騰，日日都開開心心唔駛搵人「呻」，醒醒目目唔會做老襯，身體健康晚晚都有覺好瞓．．．．
恭喜發財，利是逗來．．．．
一封唔夠？
俾夠兩封！不過係你哋俾我喎！
呢個係我年初一既拜年look．．．．
醒唔醒目先？
不過套衫好似窄咗少少．．．．
呢隻pooh pooh 係我既新朋友．．．．
係芬姨响年宵市場買俾我既！
阿pooh，同大家講聲恭喜發財啦！
攪錯！竟然唔騷我！
咦？爸爸媽咪，你哋好似爭d野未做喎！
爭d嘜？仲要我講？
咪就係利是囉！
多謝爸爸媽咪．．．．
不過呢兩封係流既，真嗰兩封仲响枕頭底，媽咪話希望我健康平安，所以要跟足傳統，壓歲錢要過十五先至拆喎！
好喇！媽咪，唔好影啦！要上嫲嫲度拜年喇！
你哋真係me me 麼麼，我自己攞鎖匙出去啦！
呢幾日爸爸媽媽忙住辦年貨，買海味啦，買衫褲鞋物啦，買床單同其他日用品啦，咁多野當中有冇我份？緊有啦！除咗衫仔褲仔，仲有．．．．
呢樣野媽咪話咗買俾我好耐架啦，仲以為會石沉大海．．．．
你哋諗到未？開估喇！
就係呢樣野喇！
好開心呀！媽咪終於記得買俾我啦！
等我打開佢先．．．．
今次發達啦，部手提電腦咁多掣．．．．
仲有數目字，啱晒我呢個小股神！
你哋知啦！我日日都要睇住個市架嘛！
唔同你哋講喇！我日理萬機，好多野要趕住做！
我個樣係咪好認真呢？
呃得吓人卦？
玩完電腦，我又出咗公公婆婆度玩喇！
呢架車軒軒表哥仔架喎，襯佢唔响度．．．．
攞佢黎玩先！
爸爸，呢樣啱你呀！low fat coffee呀！
芬姨，我自己推得架喇，唔駛你扶我啦！
找响supermarket買咗好多野，除咗咖啡，仲有焦同蕃茄．．．．
弊！跌咗個蕃茄添！
提子，我鍾意呀！
聽日就係新既一年，祝大家响牛年身體健康，萬事如意！
今日媽咪買咗d新野俾我試戴，點知戴完之後，爸爸竟然話我似．．．．
你哋咕吓係邊個？
佢居然話自己個仔似公公－－小桂子！
你哋話佢係咪睇電視睇到上腦？
人哋呢頂係漁夫帽黎架嘛！
佢就係都要攪攪震！反起人哋頂帽．．．．
諗諗吓，都係唔好戴穩鎮．．．．
點解除極都除唔倒？
媽咪，help！
試完帽，唔爭在試埋件新春賀年裝啱唔啱著la！
就係呢件喇！得唔得意？
其實媽咪最初冇諗過買架，因為佢麻麻地鍾意呢d唐裝．．．．
點知行街經過見倒．．．．
佢既購物病態又出現．．．．
阿b，唔好擺個咁鄙視既表情，語該！
不過咁都好，如果唔係我邊有咁多新衫著？
媽咪你唔駛唔開心，其實個個人都緊有d病態。你睇我？
我都有戀廁紙情意結啦！
話時話，阿b，呢排你d性格都幾令人難以捉摸．．．．
明明玩水樽玩得好興奮．．．．
突然之間就狂喊！不過媽咪真係好鍾意你呢個喊樣！haha！
