3月30日(星期三)
如果媽咪係編輯既話，間雜誌社執硬笠～～因為成日脫期
^-^
皓皓正日生日，爸爸攞咗假，媽咪就攞半日假；冇嘜特別地方去，只係同皓皓去揀禮物，然後出街食飯～～
皓皓，媽咪記得架，同你响麥當當開生日會嘛！不過真係等你識多啲朋友仔先啦！
首先同皓皓揀禮物～～
上次去完朋友屋企，踩完人哋架大單車，
依家發夢都記住。所以就去買架俾佢啦。。。
不過呢架－－－好似大咗啲，皓皓踩得有啲辛苦～～
皓皓超鍾意頭先架紅色車，幾經艱辛，先氹到佢放棄嗰架。。
好彩，佢一坐上呢間，就愛上咗喇～～
俾完錢之後，同店員講食完飯先番黎攞車。。。
跟住聽朋友介紹，黎咗灣仔既蘇浙滙食飯～～
皓皓其實除咗鍾意食sushi，都好鍾意食上海菜～～
呢味葱油雞，又滑又嫩，皓皓食咗好多～～
估唔到皓皓連鱔糊都好鍾意食～～
小籠包更加係皓皓响上海菜中既no.1至愛～～
食完飯，皓皓已經急不及待催我哋去攞車。。。。
番到屋企，即刻戴番頂'頭盔'試車～～
呢頂帽宜家做咗皓皓既御用'頭盔'。。。
唉！最衰物色唔到一頂啱戴既頭盔～～～～
如果唔係，皓皓實好開心啫！！
正日生日，當然要切蛋糕啦。。。。
生日party切咗反斗車王蛋糕，本來諗住正日都係買車車蛋糕，
點知皓皓有日又話鍾意Elmo蛋糕喎，所以就買咗呢個。。。
呼～～～吹蠟燭！
乖仔，Happy Birthday！
掛住望蛋糕，嗌極唔望鏡頭。。。
擔住Elmo個鼻～～真係玩多過食
今日好滿足，因為媽咪見到：皓皓佢真係好開心！
除咗單車，呢啲係媽咪送俾皓皓既生日禮物～～
爸爸話：媽咪縱壞佢喎！不過。。。。
見到啲玩具咁靚，真係忍唔到手，hehe～～
