淨番一種職業，做咩好呢？本來諗住俾佢哋4個一齊做粵劇名伶！貪有得著大戲服，戴頭飾，同埋好似比較特別嘛～～不過心心表姐唔知响邊度打聽到，做粵劇名伶唔係淨係著衫，仲要响台上唱番幾句，到時又有其他家長望住，佢覺得唔好意思喎，haha。。。。。。
其實就算唔駛唱幾句，呢項職業對皓皓黎講都係比較有挑戰既，因為換戲服呀，教唱戲呀，家長全程無得睇，到臨尾上台表演先至可以望到小朋友。。。。。媽咪就見到有個小朋友因為驚得滯，走番出黎唔肯玩～～所以心心表姐唔玩既話，媽咪都冇信心皓皓會肯玩，唯有放棄啦～～
4老表最後一種職業各有所好：詩詩想做警察，但係full咗；心心想做中醫師；軒軒想做護士抱bb(真係估佢唔到)；皓皓呢，好似都係抱bb啱佢玩多啲。。。。諗住分開玩啦，軒軒皓皓做護士；心心詩詩做中醫師。點知。。。。。嗰度既職員話人手唔夠，只可以是但開一種，咁都得？嘜唔係預咗人手，响三個環節裏面所有職業都開架咩？不過冇辦法啦，唯有4個一齊玩～～
心心詩詩响頭先嗰節已經做咗護士，冇理由做多次架嘛！結果。。。。。
做完警察同救護員，第三種職業就係～～中醫師！
手持天秤既既皓皓，係咪好PRO呢？
呢一節得4老表玩晒成個場～～
開始講解個秤點用，同埋介紹啲藥材。。。。。
開頭唔想俾皓皓玩中醫，因為驚佢太細個聽唔明。。。。。
對個磅好有興趣～～
好彩有表姐傍住～～
職員姐姐既講解，究竟皓皓明唔明呢？
包藥材～～
跟住係最攪笑既環節～～樁藥材！
事關軒軒表哥樁藥材猶如打樁～～攪到啲藥材飛晒出黎！
樁完藥材就收工喇！
三種職業玩完lu，之前軒軒表哥話好想做護士，但係佢哋唔夠人手所以唔開，
媽咪見表哥仔咁想抱bb，而媽咪都好想俾皓皓試吓抱bb，
於是就膽粗粗問吓呢位職員姐姐可唔可以俾佢兩個入去育嬰室抱一抱bb
(媽咪夠pop問，係因為見呢位姐姐個樣好和藹，應該好易話為卦)～～
真係開心喇！個姐姐可能見媽咪咁厚面皮，所以。。。。。
應承咗！
雖然冇制服著，但係有bb抱，軒軒已經好開心～～
到皓皓喇。。。。。
你睇佢！攤開對手仔，幾期待！
哈哈，好攪笑呀！
軒軒表哥，你將個bb倒豎葱喇！
放番bb落床仔嗰陣，軒軒表哥仲離譜，竟然拋個bb落去～～
皓皓就輕輕力咁放bb。。。。。
唔通皓皓當咗佢係真bb？
大家賺咗15蚊city cash，可以用黎買嘢食呀，學車呀咁。。。。。
不過冇時間lu，冇得學車，所以用黎買晒嘢食～～
皓皓自己揀咗一包 m&m 朱古力，一條朱古力手指餅，咁就用晒15蚊～～
買完嘢，見啲職員攞晒啲相呀，鎖匙扣呀出黎俾家長睇。。。。。
睇到啲相又點忍到手？媽咪唯有乖乖地拔錢啦！
一張相加兩個匙扣(就係呢篇blog既第一張相)，盛惠二佰幾，
佢哋真係識賺錢呀！
呢日雖然只係玩咗短短兩粒鐘，但係真係玩得好開心！
有咗呢次經驗，皓皓知道係嘜嘢一回事，下次去旅行，可以俾佢自己試吓玩KidZania喇！
玩完之後，行番過奧海城，會合埋公公婆婆食lunch～～
商場宣傳緊倫敦奧運～～
超鍾意呢張相～～好有動感！
傻仔爸爸响後面入咗鏡都唔知～～
皓皓你瘦猛猛學人舉重？
haha。。。扮劉翔～～
同場加映～～七月份雜錦相
＠冒險樂園～～
又要求篤波波～～
皓皓 ＆ 1000% bearbrick～～
某日去西九長廊諗住踩單車，點知個單車檔摺咗～～
掃興架呢～～
冇得踩單車，唔知做嘜好，唯有移師去冒險樂園～～
對小朋友黎講，呢度真係玩極都玩唔厭～～
