我在學校的日子

1月23日&1月30日

皓皓上第3堂同第4堂既playgroup，開始適應環境喇！例如去到識自己攞玩具坐低玩；出去排隊識得自己拍埋張櫈；食完茶點識自己攞隻碟出去俾老師；唱遊時會搖擺身體拍手掌；做手工時會自己用手指點水彩印落張畫紙度；仲耐唔耐識嗌吓同學仔個名添！

上星期六(23號)放學時影既。。。。

皓皓想坐後面架車仔，不過太多小朋友想坐，等極都等唔到。

唯有玩住'sir'滑梯先啦！

最終等啲同學仔走晒先至坐。。。。

平時有得坐既時候都冇玩得咁開心，唔通真係要爭先夠'馨香'？

上完堂落香港仔食嘢，見到人舞獅，皓皓睇到眼都唔眨。。。

尋日(30號 )出門去上堂時影既。。。。

去到見到一大堆幼稚園啲哥哥姐姐整既關於新春既小手工。。

呢日終於冇遲到喇！

（媽咪成日me me麼麼，攪成粒鐘都未出到門。。。）

仲早到咗少少，好多同學仔都未返到黎。。。。

落堂之後踩單車仔。。。。

我既同學仔～～煦鈜！

咦？？？？？？？？

點解咁似上星期六响香港仔見到嗰條舞獅既？

嘩！有糖糖呀！

媽咪，食唔食得架？

呢個又係我既同學仔～～希霖！

皓皓係咁指住後面啲花花小手工話：flower。。。。

希望再上多幾次，皓皓會冇咁怕醜，

同埋肯對住陌生人講多啲嘢啦！

吃喝玩樂假日篇

嘩！媽咪真係好懶，加上又好忙，原來成個禮拜冇打blog。。。。

不過呢個幾禮拜都冇嘜特別嘢發生，都係玩同食。。。

一月十六日(星期六)

皓皓b上第二堂playgroup，對住唔識既人仍然企硬唔肯講嘢，好彩都願意同其他小朋友一齊玩。。。。不過話說個小朋友唔小心撞到佢，佢即時嗲到伏响老師身上喊，最後老師請佢食提子乾佢先至收聲～～～～又係食嘢大過天！

最近媽咪問皓皓：媽咪放假，皓皓想去邊度玩？

皓皓答：公園！

咁有嘜理由媽咪唔帶佢去公園玩呢？

而家食薯條，會猛咁點茄汁，啜茄汁。。。

等爸爸放工，一齊出金鐘Great買嘢食。。。。

最鍾意响生果櫃度攪攪震！

去完旅行，好似認得士多啤梨呢種水果喇喎！

响Great買嘜？又係sushi囉！

好嘢！成盒蟹柳卷都係我既！

不過我淨係食飯，紫菜蟹柳會lur番出黎。

一月十七日(星期日)

今日出咗九龍同公公婆婆、芬姨去食buffet。。。

係咁咦lam吓個雪糕就算，同响日本搶住食嗰杯雲呢拿牛奶差天共地，

都話阿b識食架啦！

之後去咗黃埔。。。。

冒險樂園入面度緊高～～～終於夠高入去玩波波池！

不過成個波波池只係搵到一個波。。。。

因為啲波波攞晒去消毒。。。

但係咁樣就唔叫波波池啦！

皓皓就係咁，12分鐘一節既遊戲時間就係渣住呢一個波，

同埋玩sir滑梯。。。。

4老表，每人霸一卡車。。。。

皓皓～詩詩～心心～軒軒（由前至後）

玩完冒險樂園，醫醫肚先！

最後一滴既飛雪冰都唔放過。。。。

之後7豬丈提議話去和黃花園行吓。。。

呢度有個好大既魚池。。。

7豬丈話既响個公園牌匾前面影。。。。

但係唔知點解佢影唔到'和黃公園'四個字，

咁為嘜要企响呢度影，7豬丈？

阿b打韆鞦好似好牙煙咁～～

一係成個人挨後，一係向前'中'。。。

媽咪都唔敢fing得咁犀利！

呢兩日，就係响玩同食之中度過