0910 京阪冬日 の旅^^Day 6(上)~海遊館探秘

1 Jan 10(Fri)

Day 6

酒店→海遊館→阪急西宮Gardens→梅田

今日又係有車坐既日子，真係開心！媽咪發覺有車坐既日子，皓皓係冇咁扭計，原因係上車之後佢好多時會肯瞓覺（似足媽咪，媽咪都係上車就瞓），咁瞓得夠，就自然冇咁躁啦！

好，我哋先响海遊館出發！海遊館位於大阪市的「天保山 HARBOUR VILLAGE」，係全球最大的水族館，我哋一齊去探索吓海底世界既奧秘啦！

入口處～～

入口處只係啲細魚仔，但係已經吸引住阿b。。。

掛住睇，叫好耐先至望鏡頭。

晴姐姐專心睇人餵海狗（都唔記得係咪海狗），

阿b你做嘜偷望晴姐姐？

媽咪成日叫阿b望鏡頭，佢就偏玩嘢唔肯望。

要捕捉好多張先影到一張望鏡頭架！

開心～～

興奮咁指指點點。。。。

好巨型既龍吐珠～～

睇唔睇到我後面嗰隻係嘜東東？

嗱！大特寫俾大家睇：企鵝呀！

我同企鵝傾緊計，唔好騷擾我！

成堆企鵝排排企，好鬼得意！

阿b，你响晴姐姐後面古靈精怪，想點呀？

唔係專業就唔係專業，後面啲大螃蟹，影出黎都唔知似嘜？

媽咪，你呢張仲攪笑，影到隻水母成條高麗蔘咁。。。

呢度真係有好多種類既水母，睇住啲水母好似燈泡咁，

一鼓一縮，其實都係一件賞心樂事。

可惜媽咪啲相影出黎一啲都唔靚。。。

海遊館入面真係有好多好靚既海洋生物，

最細適合帶小朋友去睇。。。

睇番啲相，真失敗！竟然唔記得影呢度最出名既鯨鯊！

好在有條假既頂住檔！

呢張相盛惠1000yen！影完之後，爸爸問媽咪：買唔買？

媽咪答：海洋公園嗰張都買啦！何況呢張？

海遊館門口出面空地有一群企鵝俾人影相，我哋最初以為假既，

殊不知佢哋識郁，係堅既！

心諗：入面嗰啲咁好環境，又可以游黎游去；

出面呢啲就齋企食西北風，真係同鵝唔同命！

爸爸去攞熱水沖奶，阿b趁機响館外既空地度喪跑！

天保山大摩天輪！可惜媽咪有啲畏高，唔敢坐！

爸爸响海遊館買咗個福袋，裏面有一大堆精品。

爸爸成日話媽咪買埋啲無聊精品，佢自己咪又係！

 

～Day 6　待續～