1 Jan 10(Fri)
Day 6
繼續day 6既行程～～話說今日同聽日我哋都有租車，所以一啲冇咁就腳既地方就plan响今日去，睇旅遊書介紹阪急西宮Gardens係全關西最大既shopping mall，最重要既係話裏面有hello kitty主題樂園。所以去完海遊館，我哋就起程喇，諗住去到阪急西宮先食lunch。。。。
又話說呢兩日架車同頭三日架車有啲唔同，除咗冇英文發聲之外，個指示亦都唔係好清楚；爸爸拎住本旅遊書入咗hello kitty主題樂園個電話，我哋就跟住佢既指示一路行。點知，行咗成粒鐘都未到，都心知不妙！果然，原來hello kitty主題樂園已經執咗，所以架車既GPS就唔知老點咗我哋去邊個地方喇！仲攪笑既係GPS只帶你去到呢達地方附近，跟住就冇晒指示教我哋由邊度入同响邊度泊車。唉！俾本旅遊書同個GPS玩死，成日跣友！
去到已經過晒lunch time時間，大家嗱嗱淋响food court食啲嘢醫肚。
跟住就開始各自shopping。。。。
不得不讚日本啲百貨公司，佢哋真係諗得幾周到。。。。
通常買細路仔嘢既地方都會有一啲遊樂設施俾小朋友玩。
本書介呢度有個好大既sky garden。。。。
上到去原來冇嘜嘢睇。。。
最好玩係個噴水池囉！
用腳踩落啲窿窿附近，啲水就會噴出黎。
阿b踩得好興奮！
去完sky garden，又繼續shopping。。。。
阿b對呢度啲精品好似幾有興趣咁喎！
個樣又古古惑惑，唔知諗緊嘜？
呢度間Izumiya超市好鬼大，嘜都有得買。。。。
阿b見到包包超人福袋，即刻要攞！
响蔬菜架前面攪攪震。。。。
我哋入超市主要係入水果，呢啲就係我哋既戰利品。
呢幾日食咗好多士多啤梨，真係好甜好香。超滿足呀！
等晴姐姐一家既時候，兩仔爺無所事事，攬住碌柱都唔知玩嘜？
行到夜晚8點，啲鋪頭都打烊喇，我哋就開始覓食。
四樓有好多間食肆，我哋是但揀咗一間食。
食肆出面俾人等位坐既櫈，搖身一變成為阿b既遊樂場～～
將啲櫈搬黎搬去，自得其樂！
响呢度，爸爸話食咗一杯前所未有咁好味既雪糕！
嗱！有相為證！阿b一直對雪糕既興趣唔算大，通常lam兩lam就算。
呢日係都唔肯放呢杯牛奶雲呢嗱雪糕，禁住黎狂食。
阿b果然係識食之人！
今日阿b心情幾靚，不時响商場入面跑黎跑去，大聲嗌'爸爸'，引到周圍啲人係咁笑！
雖然冇咗hello kitty主題樂園，不過今日既收穫算幾豐富，幫阿b响X-Girl，Paul Frank都買到一堆嘢；最開心係爸爸啦，响Levis買咗條特別版牛仔褲，佢話平過香港既炒價好多喎！
～Day 6完結～
沒有留言:
張貼留言