2月14日（星期四）
年初五
年初五，亦係情人節。。。。二人世界？no la！三人世界？都唔係喎！事關爸爸話我哋已經唔係情人，唔駛慶祝咁話喎。。。。haha！唔好以為爸爸咁衰，佢都係隨口up，當秘笈啫！事實係。。。。。我哋嗰日係約咗姨媽舅父芬姨佢哋入大美督踩單車，一大棚人家庭樂，一樣咁開心！
其實，上年國慶嚟大美督踩單車既陰影仲未散（嗰次我哋排咗兩個鐘有多先等到巴士離開）。。。。。不過，大家又好想踩，而有家庭式單車踩既地方又所剩無幾，唯有搏多鋪啦～～
今次我哋一行十四人朝早十點幾就出發。。。。。
因為朋友話呢度有間泰國菜幾好食，所以我哋拉隊入嚟食，食飽先踩～～
食物ok，價錢唔貴～～
問咗兩三間鋪格吓價，原來價錢真係唔同架。。。。。
呢日天氣涼涼哋，一路踩一路有海風吹送，舒服到想瞓。。。。zzzzz。。。。。
重點係。。。。。爸爸一個出晒腳骨力，媽咪都唔駛點郁咁滯。。。。。
重點係。。。。。爸爸一個出晒腳骨力，媽咪都唔駛點郁咁滯。。。。。
上到堤壩，諗住放吓紙鳶，點知。。。。。。
隻喜羊羊紙鳶嫲嫲拆開過畀皓皓玩，玩完唔見咗撐起成隻紙鳶嗰條竹篾。。。。
冇得玩啦，冇辦法！
雖然冇風筝放，但周圍喪跑吓皓皓都已經好開心～～
初四响林村買咗枝bubble槍，噴出嚟既bubble果真好大喎。。。。。
仲有軒軒表哥仔陪玩。。。。
踩回程既時候，大家食既lunch都落晒格，於是乎又坐低嘆吓小食～～
冇特別慶祝節目，但一樣過得好稱心寫意既一個情人節！
同埋好好彩既係，今次走嗰陣唔駛排隊搭車囉！大家都頻呼好彩。。。。
2 月15日（星期五）
年初六
呢日一早已經plan去迪迪尼玩，事關我哋有四張免費飛，諗住初一至初四，星期六同星期日都多人到爆，於是就揀咗初六星期五去。點知。。。。。我哋實在太低估咗自由含同胞既數量。。。。。。去到迪迪尼門口，人頭湧湧，售票處排晒長龍不特止，連入場條人龍都長到飛起！見到呢個情景，大家當堂嚇壞咗，呢度都排到咁樣，入到場玩game咪排到人到癲？
呢個時候，爸爸芬姨心心表姐都唔想入場，所以媽咪就去兜售啲飛，樣樣衰衰咁，就去向一個四口之家sell飛，每張平七八十蚊，好彩最後都賣出咗。。。。。不過，嗰頭賣咗啲飛，呢頭有個人仔就狂喊，個人仔就係皓皓喇！佢話佢好想入去玩喎，喊得好淒厲。。。。。
最後我哋响迪迪尼門口啲檔攤買咗把巴斯光年傘畀佢，佢先至收聲咋～～
跟住我哋轉移陣地去迪欣湖玩，反正我哋都未去過．．．．．
原來迪欣湖有得租單車踩，仲可以坐晒我哋五個人，幾好呀．．．．．
可惜呢日booking full晒，冇得玩～～
踩單車落空，唔緊要．．．．．仲有艇仔坐～～
你睇皓皓玩到笑咪咪，就知佢幾enjoy～～
因為呢隻艇每個位都有腳踏，皓皓覺得自己都有份踩郁隻艇，好開心！
仲要邊踩邊有糖食，超爽！
頭先冇得入迪迪尼嗰種失落一掃而空lu～～
落船，未夠喉，仲想玩～
不過租1 round船要兩舊水，都係唔喇．．．．．
好彩有個公園仔玩，即刻可以轉移皓皓視線～～
玩水，涼快！
不過勁多蚊呀，媽咪企咗一陣，已經畀蚊錫咗成十啖，痕死喇．．．．．
頂唔順，好彩有心心表姐陪玩，媽咪要即刻去沖吓水止痕～～
响7-11見到頂好頂癮既太陽能帽，帽內有黑超，頭頂有把風扇仔．．．．
心心表姐都好欣賞呢個設計，結果每人買咗一頂～～
然後去草地嗰邊玩吓～～
風景幾靚，不過開始勁曬～～
對小朋友嚟講，曬，唔係問題，最緊要有得玩．．．．．
睇皓皓又喪跑又喪笑就知～～
話說幾張免費迪迪尼門卷賣到千一蚊，我哋決定駛晒去．．．．．
於是，玩完迪欣湖，我哋去咗三聖食海鮮．．．．
唔駛用自己既錢吃喝玩樂，原來．．．．真係勁happy架，wakaka！
2月16日(星期六)
年初七
初七，假期尾聲，係時候修心養性收拾心情等開工喇！所以呢日只係帶皓皓去咗數碼港草地踢波，夜晚就留响屋企打甂爐～～
巴塞vs曼聯。。。。。。
時間過得真係快，bb皓已經會陪爸爸睇波講波經，仲可以同爸爸過招切磋吓添～～
買呢套波衫嗰陣皓皓仲未有自己既球星偶像，只係求其up話要26號波衫。。。。。
所以就買咗KAGAWA～～
起腳。。。。
大腳抽射。。。。。
呢張。。。。。。咁似扮人牆擋罰球既？HAHA～～
皓皓真係好鍾意踢波，又玩到唔捨得走～～
夜晚芬姨心心表姐嚟我哋屋企一齊打甂爐～～
初七人日，買個蛋糕慶祝吓～～
美心彩虹蛋糕，想試咗好耐，但大家又唔係太好蛋糕，所以買咗個迷你既SIZE～～
好似大SIZE既顏色層次分明啲。。。。。
二月份雜錦相
出blog太慢喇，媽咪唯有又用呢招，將二月份其他相炒埋一碟，hehe！
睇中咗呢副足球員FIGURE好耐，終於纏到媽咪要買畀佢～～
某日上輝契爺屋企開雀局，夜晚食埋PIZZA至走～～
22號，去Grand Hyatt食buffet，慶祝心心表姐考全級第一～～
農曆十五元宵節，拆利是。。。。。
皓皓一聽到利是兩個字，就以為係拜年，跟住問媽咪：
駛唔駛講番一句好說話呀？（即係恭喜發財，祝你學業進步之類既說話）
笑屎媽咪喇。。。。。
由二月份開始，爸爸媽咪的起心肝做吓運動，連羽毛球拍都買埋～～
呢日就約咗哈哈哥哥一家一齊打～～
第一次打羽毛球既皓皓似乎都好怠興趣，練咗成個鐘，
開始掌握到少少竅門，都間中開到波同接到波架，叻叻！
又奧穌利雲上身，仲要學人咁'朗'隻腳上張枱度～～
