農曆年前夕,皓皓既幼稚園搞咗個活動,就係模擬年宵市場。。。。其實上年都有舉辦呢個活動,不過上年皓皓病咗,所以冇參加過;至於真既年宵市場,皓皓亦都未行過,因為爸爸話太多人,皓皓咁細個,怕迫親佢咁話喎。。。。今年媽咪成日講話想帶皓皓去年宵,爸爸終於勉為其難,應承趁下晝冇咁多人既時候陪我哋去。所以呢。。。。真假年宵市場,皓皓今年都係第一次體驗~~
二月六日(星期三)
幼稚園活動日--模擬年宵市場
二月六日(星期三)
幼稚園活動日--模擬年宵市場
雖然話係擬年宵市場,但其實都有其他活動既。。。。
好似搓湯圓呀,玩舞獅呀咁啦。。。。
番咗年半學,不過皓皓仍然係怕醜仔一名,
好似玩舞獅咁,佢點都唔做一啲較引人注目既位置(龍頭)。。。。。
佢只係肯做獅尾~~
跟住老師話交換角色,原本舞獅既就要去玩樂器伴奏~~
見到啲小朋友氹氹轉咁舞獅,又識得定時定候舉高個獅頭,好鬼得意。。。。。
唔知老師同佢哋練咗幾耐呢?
LAST一ROUND,老師叫小朋友自己揀啲鍾意既位置做~~
所有小朋友快速地埋晒位,但皓皓好似食咗成担豬油咁。。。。
慢條斯理咁睇吓有啲咩位係人哋揀淨既。。。。
最後見到打鼓有個吉位,於是好滋油咁行埋去。。。。。
不過媽咪睇得出佢鍾意打鼓多過鍾意舞獅~~
媽咪叫皓皓渣住個獅頭影幅相,就出去玩模擬年宵市場喇!
老師先將一啲假錢分畀小朋友,跟住叫佢哋自己去買一啲鍾意既貨品~~
而所謂既貨品,大部份都係假既,除咗呢一檔。。。。
真係有糖同紫菜呢啲小食,所以呢檔好受歡迎~~
皓皓都第一時間走去買咗粒糖~~
跟住去買揮春。。。。
買完張揮春可以自己'吸'啲印仔同埋畫啲公仔上去。。。。
呢張就係皓皓既完成作~~送畀大家既~~新年快樂!
買年花~~
見仲有錢淨,於是又走去買糖~~
玩完,排隊去廁所洗手然後返課室食茶點~~
先祈禱。。。。。
然後講:請各位老師食茶點,請各位小朋友食茶點!
今日既茶點係大家一齊搓既湯圓。。。。
老師請家長都一齊食,爸爸竟然耍晒手擰晒頭,實在太唔畀面喇,哈哈!
開學時皓皓係青蛙組,而家調咗去小貓組~~
呢張枱就係小貓組既同學仔~~
活動結束,臨走,影低埋貼响課室門外皓皓既畫作~~一家人!
二月八日(星期五)
玩完流既年宵市場,呢日下晝,就同皓皓去堅既年宵市場,畀佢感受吓年宵市場既熱鬧氣氛~~
@維園年宵市場~~
雖然係晏晝兼且落住毛毛細雨,但都好多人~~
見到咁多嘢買,皓皓已經有啲失控,樣樣都話想要。。。。。。
先係買咗隻羊羊公仔,佢話係喜羊羊喎。。。。。
然後又買咗吹氣既盾同埋劍~~
仲買咗個流星槌畀心心表姐~~
咪睇心心表姐係女孩子,佢好鍾意玩刀刀槍槍,呢個流星槌佢實like啫~~
最後仲要整多個喜羊羊槌仔,皓皓今次真係大豐收喇!
至於爸爸媽咪就冇嘜嘢買,係貪得意買咗盆假桔~~
同埋買咗啲得意揮春~~
啲人真係創意無限,咁都諗到既?haha~~
仲有iphone啲 icon cushion仔,幾過癮!
不過我哋冇幫襯。。。。。。
情人節將近,CSW街頭擺咗啲心型花花~~
再去Sogo辦吓年貨。。。。然後返歸~~
二月九日(星期六)
呢日係年晚,媽咪開始放假喇,真係開心!
我哋去咗婆婆屋企食團年飯,順便睇吓仲有冇啲嘜嘢年貨未買齊,一次過搞掂埋佢~~
晏晝已經去到婆婆屋企,因為媽咪實在太掛住婆婆煮既湯圓,超級好味!
婆婆只會每年年晚既晏晝煮湯圓,媽咪為咗食新鮮熱辣既圓,所以一早就拉爸爸同皓皓出去。。。。
食完湯圓,出街同表哥表姐嘆甜品~~
終於買齊晒所有嘢:
皓皓既新衫新褲新鞋,新床單攬枕,生果,擺全盒既糖果。。。。。。
新年新氣象,樣樣嘢都換新,應景兼好意頭嘛,hehe~~
沒有留言:
張貼留言