農曆新年特輯～初四訪林村

2月13日（星期三）

年初四

繼初一至初三後，我哋繼續要玩盡呢個假期．．．．．．初四，我哋去咗大埔火車博物館同埋林村！原本呢個係初三既行程嚟既，但話說初三打的出發既時候，聽到電台廣播，話林村好多人，又話唔知邊條路要暫時封閉，所以我哋咪'tun’呔囉！

＠大埔墟火車博物館～～
前年，我哋都嚟過呢度一次，不過皓皓應該唔記得lu～～

其實博物館唔係好大，主要擺放一啲火車模型、圖片歷史介紹等等．．．．．

不過我哋係志在同啲火車影吓相啫～～

亦都有啲火車係可以上去參觀既．．．．

一列係紅色呢架～～

另一列綠色，歷史好似再悠久啲．．．．．

媽咪好細個跟婆婆番鄉下既時候，都坐過咁上下樣既火車～～
車廂無冷氣，窗門係向上推既．．．．．

逗留咗一陣，我哋就起程去下一個目的地喇～～

林村～～香港許願節2013！

一入到去就見到氫氣球，仲要係皓皓like既喜羊羊，點都要買番個啦！

 

先食吓嘢先．．．．．豆腐花幾滑，ok呀～～



嚟林村，梗係要拋吓寶牒～～

 

皓皓：得未呀？我拋架喇！

將要出手之際，突然無信心，擰轉頭同爸爸講：我驚拋唔到．．．．．

經爸爸媽咪鼓勵，卒之出盡全力．．．．我拋～～

其實個桔好輕好難拋，皓皓又點拋到上樹吖？
最後爸爸出馬，終於搞掂．．．．．

除咗寶牒，我哋又買咗許願燈．．．．．

祝願闔家平安、健康、快樂～～

想响許願樹前影幅全家福，不過超多人，好難影～～

周圍都係風車，我哋都買番個先．．．．．

 

扭計要買bubble槍～～

抽獎．．．．．皓皓，你駛唔駛咁緊呀？haha～～

玩到四點零五點，我哋就走喇～～
今次係第二次嚟林村，對我哋嚟講，感覺仍然新鮮仍然有趣，
下一年有時間的話，可以再嚟呀～～