5月18日(星期六)
Day 4：酒店→中之島→堀江→關西空港
關西之旅last一日喇。。。。呢日我哋搭六點機，三點鐘左右就要搭車去機場，計吓數，都仲有5至6個鐘時間玩。。。所以呢，媽咪諗住去兩個景點(中之島玫瑰園＆大阪生活今昔館)，再去堀江一帶shopping，係咪chur到好盡呢？wakaka！
不過天意弄人，呢日我哋晏咗好多起身呀(因為爸爸校錯鬧鐘)，點算好？堀江就一定去架喇，咁唯有。。。。放棄一個景點囉！
最後，我哋選擇去中之島公園睇玫瑰（難得撞啱賞玫瑰既日子嘛），至於大阪生活今昔館，留番下次啦！
Day 4：酒店→中之島→堀江→關西空港
關西之旅last一日喇。。。。呢日我哋搭六點機，三點鐘左右就要搭車去機場，計吓數，都仲有5至6個鐘時間玩。。。所以呢，媽咪諗住去兩個景點(中之島玫瑰園＆大阪生活今昔館)，再去堀江一帶shopping，係咪chur到好盡呢？wakaka！
不過天意弄人，呢日我哋晏咗好多起身呀(因為爸爸校錯鬧鐘)，點算好？堀江就一定去架喇，咁唯有。。。。放棄一個景點囉！
最後，我哋選擇去中之島公園睇玫瑰（難得撞啱賞玫瑰既日子嘛），至於大阪生活今昔館，留番下次啦！
橫豎去少一個地方，時間鬆動啲，所以我哋索性响酒店附近慢慢食個早餐至出發～～
體驗吓日本既'立吞'文化：企响度食拉麵
Haha。。。。雖然得意，不過要彎腰食，都幾攰～～
今日用埋第二日既Kansai Thru Pass～～
搭地鐵去淀屋橋站，沿住河畔直行10零分鐘。。。。
嚟到中之島公園～～即中之島バラ園既所在地。
嘩！媽咪從來未見過咁多咁靚既玫瑰，好正～～
玫瑰園裏面種植咗100種共4000棵既玫瑰，每年5月同10月係玫瑰綻放既時間。。。。
今次難得撞正玫瑰花花期嚟大阪，所以媽咪毫不猶疑地將呢度列為必遊之地～～
沿住小徑行，你既腳步一定會不由自主停低，
因為沿路都係嬌豔欲滴既玫瑰花，美得令人目眩！
用花團錦簇形容應該沒有錯吧！
呢日真係好多人專程嚟賞花～～
最多遊人既地方～～玫瑰庭園～～
見過人哋响日落時份影出嚟既相，真係超靚，
可惜對攝影毫無研究既媽咪，完全唔識點樣攞最靚既拍攝角度。。。。
不過能夠嚟一睹玫瑰園既浪漫懾人，已經好滿足～～
花種之多，令媽咪大開眼界。。。如果真係慢慢欣賞慢慢影，消磨半日應該唔係難事～～
我哋當然冇咁多時間。。。只係逗留一個鐘左右就離開喇～～
沿住河川行番出車站～～
行到嚟大阪市役所先醒起要影相，哈！
再見，中之島！
爸爸媽咪要收拾'悠閒'既心情，因為我哋要去堀江一帶拼搏喇，wakaka！
搭番車去心齋橋駅落車。。。。先去南船場Evisu，爸爸話要買條牛記～～
皓皓當係自己屋企咁。。。攤响梳化嘆麵包！
一定要預留時間行堀江，其實就係為咗呢間Humor Shop～～
呢度結集咗幾個媽咪鍾意既brand，一站式掃貨，超方便！
媽咪响呢度睇咗個幾兩個鐘，keep响counter既貨堆吓一件，堆吓又一件。。。
Haha，好有最後衝刺既feel～～
呢度仲有得儲分換貨品添呀，計完數，我哋攞到既積分啱啱好免費換到一把遮，
早知第二日响梅田既Lucua就唔買住啦(嗰日買既衫呢度都有齊)，嗰幾萬yen留番响呢度消費，
咪可以有多啲積分免費換樣貴啲既貨囉！
逗留得太耐，失晒預算，畀完錢，即刻快步行去立花通嗰邊。。。。
@立花通街頭～～
今次輪到爸爸去最後衝刺，媽咪好得閒咁同皓皓影吓相～
逛到兩點幾，要番酒店攞行李出發去機場喇～～
沿路竟然又見番呢位人兄－－拖住隻鼠類寵物出街。。。。
兩年前嚟大阪，我哋响高島屋附近見過佢一次架！估唔到今次又見到～～
搭南海電鐵，40分鐘左右就去到關西空港～～
一出車站，見到幾熱鬧吓，好多攤位，仲有免費禮品派。。。。
我哋寄完行李check完in就同皓皓嚟玩咗陣～～
應該係啲旅行社，航空公司，鐵路公司擺既攤位～～
除咗玩遊戲，仲有火車模型買，同埋有得帶車長帽影相～～
呢檔仲大陣仗，成十個員工企响度，但counter只擺咗兩盒士多啤梨，
皓皓走過去攞咗一粒試食～～
玩玩吓，有隻公仔走出嚟，畀咗枝鼓棍皓皓，叫皓皓幫手打兩吓鼓，搞笑！
玩完攤位，嗱嗱聲入番機場內搵食。。。。我哋搏殺到連lunch都未食呀！
order完既sushi會由呢列火車運過嚟，攞完之後撳掣，架車會自動開走，幾搞鬼～～
臨別秋波，食得瘋狂一啲，請勿見笑～～
差唔多要上機之際，皓皓再一次重覆呢個月問咗媽咪好多次既問題：
點解去4日咁少呀？我想玩七日呀！
睇嚟皓皓今次又係好唔捨得走，唯有同佢講，下次再嚟過啦！
4日旅程結束。。。。日本，後會有期！
Day 4～～完
