話咁快就踏入2013年3月尾，呢個月總覺得自己好忙，但係除咗忙玩candy crush，又好似講唔出其他方面忙啲嘜。。。。。總之就係拖拖拖，拖到而家先寫一月份既blog啦，哈哈。。。。呢啲咪就係懶人多藉口囉～～
一月份，最重要既大日子就係爸爸既牛一喇！
一月份，最重要既大日子就係爸爸既牛一喇！
一月八日（星期二）
呢日媽咪要番工，所以節目欠奉。。。。。。都係放工後出街食餐飯慶祝就算喇！
是夜食 french cuisine ～～Chez Moi Private Kitchen～～～
之前食過一次，覺得價錢合理，食物質素幾好，所以encore多次～～
媽咪唔食生蠔，爸爸嗌咗兩隻自己嘆～～
超高膽固醇既鵝肝。。。。真係唔可以經常食～～
不過爸爸生日，是但啦！
跟住嚟個柚子雪芭，食完仲開胃～～
主菜。。。。好好味～～
啲嘢食唔係咁啱皓皓，所以另外叫咗個意粉畀佢～～
特別日子。。。。梗係要影張全家福～～
食到咁上下，皓皓就開始扭計要玩ipad～～
甜品～～心太軟。。。
好食，不過好'漏'。。。。。。
食完番屋企切蛋糕～～咦？？？咁搞笑既個生日蛋糕？？
因為爸爸話平時既生日蛋糕大家都唔係好食，無謂嘥嘢，
不如買個皓皓鍾意食既年輪蛋糕啦！然之後媽咪買多兩粒朱古力，
就整咗呢個獨一無二既蛋糕出嚟喇，haha～～
同爸爸嚟一張溫馨合照～～
小時候，快樂是簡單的事；
長大了，簡單是快樂的事！
兩句說話，言簡意賅，正好道出爸爸媽咪心聲～～
一家人，簡簡單單慶祝，已經係最幸福，最快樂既事！對嗎？
一月份特輯
其實呢張唔係一月份既相，係2012年既12月30日影既～～
偷雞擺埋落一月份啦～～
每年聖誕都會响婆婆屋企開P，但由於我哋去咗北海道，
所以2012年既聖誕party改為除夕party～～
31號除夕，冇特別嘢做，出咗CSW～～
嘜皓皓啲姿勢咁似奇哥既？？？
去Sogo買新年禮物～～
街邊都影一餐，因為係皓皓自己要求影既。。。。
食lunch期間。。。。。兩仔爺啲眼神好一致既喎。。。。。
2013年元旦，新一年，新開始，希望大都有個美好既2013年～～
皓皓'曬冷'～～～將佢珍藏既森林家族排晒出嚟～～
元旦夜，一班人上咗輝契爺屋企打邊爐，難得咁齊人，好開心。。。。。
1月4號，又嚟打邊爐。。。。不過今次响譚魚頭，一班朋友幫一月之星既爸爸&老鼠哥哥慶生～～
哈哈哥哥玩ipad時既眼神好凌厲呀！
皓皓就冇你咁好氣，食番碌粟米先～～
打完邊邊行過灣仔嘆甜品～～
1月5號，爸爸冇假放，媽咪同皓皓去咗數碼港個草地踢波～～
超愛足球，一聽到媽咪話帶佢去踢波，即時要求著番件曼聯波衫。。。。
但呢日天氣都仲係幾涼，唯有同佢响入面打底著件厚衫囉！
勁搞笑。。。。學到足人哋啲球員咁。。。。
入波後跪落草地振臂歡呼～～
唔入就抱頭跪地慘叫。。。。。
真係笑死媽咪，wakaka！
1月19號星期六，約埋心心表姐一家人諗住搭火車去大圍踩單車。。。。
點知去到先知大圍冇家庭式既單車租～～
單車踩唔成，但一場嚟到，於是過咗沙田第一城逛吓～～
跟住去咗史諾比世界。。。。
不過真係好恐怖，成個公園都係國內既同胞。。。。
啲細路仔個個孔武有力，响心心表姐極力護航之下，皓皓勉強sir咗兩三次滑梯～～
之後實在頂唔順，影幾張相急急腳走人～～
呢日都真係幾浪費時間。。。。。
1月20號星期日，準備換衫出去婆婆屋企玩既時候。。。。。
超驚嚇！發現皓皓書包內有張字條～～
超驚嚇！發現皓皓書包內有張字條～～
要親子設計一件衣服，唯有即刻動工。。。。
話明親子，點都要留番少少功夫畀皓皓做。。。。。
就係'痴'貼紙喇！
用咗成兩個鐘先至完成呢件傑作～～
皓皓試著。。。。。都唔錯吖！
(媽咪正在洋洋得意中，haha～～)
1月26號星期六，唔知係邊間機構，响我哋屋苑搞咗個嘉年華會～～
跳彈床，皓皓勁興奮，玩到碌晒地，因為得佢一個人霸佔晒成座彈床～～
除咗彈床，仲有得整沙樽～～
另外又有啲攤位遊戲～～
唔識就住道力既皓皓，好快就撈到個網穿咗。。。。。
好彩最後都畀佢撈到幾條。。。。。
以前玩完撈金魚，皓皓都肯將啲魚畀番人，
今次就點都唔制，係都話要攞番屋企養。。。。。
夜晚，媽咪撇甩皓皓。。。。
因為媽咪約咗一班舊同事入三聖食海鮮～～
成班人好耐冇聚頭喇，太多嘢傾，於是食完海鮮再殺落佐敦食甜品，真係玩得好盡興～～
某朝早食早餐趣談一則：
話說皓皓好鍾意去大快活食早餐，每次食都係例牌菜嗌枱面嗰幾樣嘢食～～
有日媽咪問佢：皓皓，你今年開唔開生日會呀？
皓皓答：開呀～～
媽咪續說：咁响麥當勞開好唔好？
點知皓皓say no，然後話：我想响大快活開呀！我想請同學食雞扒火腿方包，仲有糯米雞！
媽咪聽完即狂笑！
皓皓，原來你想响大快活開早餐生日會，但係。。。。。
媽咪真係冇呢份勇氣同你邀請啲朋友仔嚟呀！wakaka！
