好開心呀,仲有大概9個鐘我哋就要上機,展開我哋既日本之旅。為咗番黎之後可以即時update,所以媽咪今晚要寫埋剩番呢幾篇blog~~
6月18日(星期六)
媽咪之前應承過心心表姐,等佢完咗大考之後,就會帶佢去嘆tea。平時經過半島Lobby,見到人哋好悠閒咁坐响度嘆tea,好似好爽咁;又見到個環境好elegant,現場又有live band;個high tea架又好精緻。。。。呢日,趁爸爸都得閒,我哋就走咗去半島嘆high tea,睇吓係咪真係咁正先~~
Tea time兩點開始,我哋黎到已經排晒長龍。。。
但係一場黎到,冇理由唔等啫~~
好彩有部ipad俾佢哋打發時間~~
嘩!排咗成兩粒鐘先至有位~~
真係冇諗過要排咁耐。。。。
排隊時候觀察所見,唔少枱人都係對住啲cake誓願,
一件超迷你既餅都要攞刀叉慢慢切,
10分鐘過去件餅都仍然未完全吞落肚。。。
呢個就係我哋要排兩粒鐘既原因~~
終於有嘢食喇~~
個high tea架真係幾精緻噃~~
味道都好好,總算排得有意義~~
皓皓都好似餓咗好耐咁,食得好滋味!
餵食樣~~
唔駛廿分鐘,我哋已經攪掂晒啲嘢食~~~
haha。。。想學吓人哋咁悠閒啲都學唔到。。。
食完tea,途經1881,見到有架消防車擺設。。。。
逢係車既物體,皓皓都特別感興趣~~
6月24日(星期五)
今日係爸爸媽咪既大日子!四年前既今日,我哋大筆一揮,潦咗隻龜落張結婚證書度,承諾與對方相依到老。。。。想當日,儀式雖然簡單,但係就好值得紀念。。。唔結婚,就冇諗住生bb,咁而家就唔會有個咁開心既三口之家!爸爸,你話係唔係?^-^
我哋去咗Elements既 W Hotel食buffet~~
景觀環境都唔錯~~
嘢食就當然冇洲際萬豪咁好食啦。。。
一人送一隻既大蝦就幾好味!
皓皓有得自己揀雪糕。。。。
仲有棉花糖佢食,勁開心!
成間酒店個格局都幾靚~~
周圍都放滿蠟燭,皓皓忍唔住,吹熄咗兩枝。。。。
6月26日(星期日)
前一日响facebook見到個朋友去咗Pixar動畫展,影出黎既相都幾靚,仲有好多皓皓鍾意既反斗車王,所以我哋今日都去睇吓。。。。
一去到,皓皓就自己要求同胡迪巴斯影相~~
仲有毛毛。。。。
嘩!好多幅反斗車王。。。。
皓皓自動波衝埋去,叫媽咪同佢影相~~
皓皓要求逐幅逐幅咁影,臨尾呢幅佢以為媽咪冇幫佢影,仲喊添!
巴斯呢幅就要媽咪叫佢先行埋去影~~
場內唔俾影相,睇完後,
臨走又排隊影多次胡迪~~
叫皓皓叉腰扮巴斯,點知佢叉到成個女仔咁~~
再同三眼仔影埋就走喇~~
以為個展覽開始咗咁耐冇嘜人,點知我哋走嗰陣,
條人龍長到咩,仲話要暫時停止售票添。。。
好彩我哋早到咋!
個展覽展出動畫既製作過程,仲有原手稿睇,都幾值得去既。
有一part皓皓睇到胡迪呀,三眼仔呀佢哋彈黎彈去,
仲睇到好興奮添!
去完動畫展,就去咗一田買旅行喼,
再去Snoopy World玩咗陣~~
坐船船。。。記得皓皓好細個嗰陣坐過一次~~
開始扭眼瞓,坐完船影幾相張嗱嗱林就搭的士番婆婆屋企覺豬lu!
各位blog友,去完日本番黎見~~