錦繡大會(16/4-8/5)

每年既五六月，媽咪都會例牌超忙，但係又意味住悠長假期即將開始～～再返多三日工，媽咪就開始放假喇！上年七月我哋一家同bear bear契爺去完日本後，已經諗住今年七月大減價會再去；到日本出事後，我哋都打消咗呢個念頭，點知。。。。。爸爸媽咪呢兩個日本痴，話唔去話唔去但係又心癢癢，卒之～～～～都係book咗機票，不過唔去東京喇，改為去大阪！同事朋友都話我哋，你哋"又"係去日本牙？？係呀，一來我哋太鍾意食日本嘢，又太鍾意日本brand，二來驚皓皓唔肯坐長途機，而搭短途機程既地方冇嘜邊度係鍾意既，所以。。。。

Anyway，超級期待同皓皓bb第四次既日本之旅～～～～

好！旅行之前，真係要清一清啲blog，睇番呢兩個零月，原來影既相真係唔算多，咁就黎個懶啲既方法～～炒雜會，將幾輯未出既相一次過放出黎！Wakakaka，咁咪追到blog囉！！！

呢輯相應該係去迪迪尼之前某個禮拜六影既。。。。

我哋去咗銅鑼灣新寧鋸扒，餐廳送咗個公仔俾皓皓～～

呢度既焗田螺好好味～～

皓皓就鍾意飲忌廉湯。。。。

仲要邊飲邊豎起手指公（皓皓稱為叻叻手指）～～

啲扒都幾好食，所以呢度都好full吓，

成日book咗位都要等架～～

食完dinner去Sogo買吓嘢先番屋企。。。

復活假某一日，爸爸皓皓兩仔爺落咗公園踢波。。。

五一勞動節，同皓皓去咗冒險樂園玩。。。。

呢日見冇嘜人玩，就俾皓皓坐吓踫踫車，

平時多人玩就驚踫撞得太犀利會整親皓皓～～

當然唔少得玩波波池。。。。

呢個姐姐同皓皓玩咗好耐，仲玩得好開心添！

除咗玩碰碰車同波波池，又要玩保齡拋彩虹，又要射籃球坐車車，

所以黎親冒險樂園，就要同佢搏鬥一輪至走得～～

五月二號，去咗Elements。。。。

呢日有啲插花展覽，一睇。。。。嘩！盆盆都價值不菲～～

之後同表哥表姐去公園玩～～

勁多人。。。等咗好一陣先等到有司機位坐～～

睇完軒軒表哥既示範，皓皓愛上咗玩呢個玩意。。。。。

點玩？？就係爬上去。。。。

然後個pat pat 慢慢跣落黎～～～

皓皓玩到唔願走～～

5月7號，係皓皓黎緊九月入讀既幼稚園既開放日。。。。

咁當然要黎捧吓場啦～～

剩係掛住玩車，叫咗佢好多次先至肯離開個車場。。。

皓皓有時都幾女仔，例如鍾意玩廚房玩煮飯仔啦，

仲有，鍾意紅色粉紅色啦，而家腳上對鞋仔都係佢自己揀既，

佢指定要紅色，其他色唔要～～

同心心表姐玩砌積木～～

玩模擬購物俾錢錢～～

玩釣魚～～

仲有得著交通警件衫。。。。

平時皓皓多數唔肯著，但係見扮警察，就即刻say 'yes'～～

5月8號，芬姨話奧海城三期開咗，所以就去逛吓～～

開咗間反斗城，不過好細間。。。。

行完商場，慢慢行番去婆婆屋企。。。。

好。。。今次出住咁多先，

未出既希望响旅行前可以清晒去啦。。。

講係咁講。。。希望。。。真係得啦，hehe。。。