暑假開始，亦意味著皓皓K2既幼稚園生涯正式結束～～
7月5號，皓皓K2既last day，放學番屋企後，皓皓攞住派番嚟既成長冊，進步獎，好孩子獎畀媽咪睇，好興奮咁～～
嗰一刻，媽咪真係百感交集。。。。
媽咪曾經講過，唔想自己做一個怪獸家長，唔想迫皓皓學呢樣學嗰樣，唔想皓皓响本應無憂無慮既童年已經要承受唔應該响佢既年齡出現既壓力。。。。因為咁，皓皓冇讀N班，除咗暑假，平時冇任何興趣班。。。。見到皓皓健康愉快咁成長，媽咪已經覺得好欣慰好滿足。
不過，媽咪唔係一個完美既家長，都會犯下一般家長都有既毛病，就係。。。。有時見到其他小朋友，樣樣嘢都好叻，又難免暗地裏做比較，比較完又有啲擔心：究竟咁樣係咪對皓皓好呢？樣樣唔識唔學，會唔會令佢輸在起跑線呢？將來。。。皓皓又會唔會追得上呢？
每次一比較，擔心，不安，就會隨之而起。。。。慶幸，媽咪最後都有堅持信念～～
今日，皓皓你絕對唔係班裏面突出優異既學生，但見到你開心健康咁成長，見到你一點一滴咁進步，見到你喜愛學校生活，喜愛學習。。。。其實已實好足夠喇～～
當然，媽咪係絕對知道幾個不爭既事實：
識多啲，競爭條件就強啲；年紀細，學嘢同吸收會較快；有啲性格開朗，喜歡面對新事物既小朋友，學多幾嘢根本唔係壓力，反而覺得係樂趣(但媽咪知你唔係呢類小朋友)；好多事情，小朋友係要試過先知自己鍾唔鍾意既。。。。
所以，媽咪希望自己做到中庸之道，將'一味催谷'同'自由放縱'之間既平衡點拿捏得恰到好處，鼓勵皓皓多啲嘗試，學習吓唔同既事物，希望佢能夠慢慢搵到自己既興趣。。。。皓皓，媽咪知你細膽，內向，怕面對陌生人，不過慢慢嚟啦，每個人都有自己既長處同弱點，有啲嘢。。。唔係迫。。。就可以迫出嚟既～～
好似學畫畫咁，媽咪真係好開心畀你學畫畫，因為知道你鍾意；又好似學英文咁，媽咪知你怕，知你唔想上，但幼稚園老師話你欠缺信心，逃避講，咁媽咪就自己同你傾多啲囉，同埋搵啲輕鬆既chat room畀你上囉，又或者自製一啲字卡畀你認吓啲生字囉。。。。。媽咪唔係要你啲英文叻到識飛，只係想你有自信少少，等你對住幼稚園既NET可以放膽啲，冇咁驚。。。。僅此而已～～皓皓。。。。我哋一齊努力啦，好唔好？
同場加映～～
六月尾七月頭，即放暑假前後嗰排，其實都影咗好多相，等媽咪將呢啲零碎既生活照都放埋出嚟先～～
响軒軒表哥仔屋企既會所遊水～
小型車展＠奧海城～～
超級車迷皓皓又點會肯放過試車既機會呢？
除咗足球籃球，皓皓連桌球都啱架～～
有日行旺角，先知道台灣名物Chirle Brown布丁原來响香港都有專門店，
即刻買一盒番屋企同皓皓一齊嘆～～
七月份媽咪仲要番工，爸爸就成日帶埋皓皓嚟接媽咪收工。。。。
等媽咪放工既時間，爸爸除咗會同皓皓响呢個長沙灣既球場踢波之外，
仲會去冒險樂園玩拋彩虹。。。。。
呢日佢哋拋中兩隻公仔，皓皓開心到呢～～～～
唔知大家知唔佑旺角街頭而家擺咗好幾個幫人影黑白相既攤檔呢？
我哋都幫襯咗一張，hehe～～
冇嘢做，又去咗冒險樂園玩。。。。
其實我哋真係冒險樂園既常客。。。冇計啦，個個細路都咁鍾意玩。。。。
最慘係。。。。連爸爸媽咪都係拋彩虹既粉絲嘛
古靈精怪既皓皓～～
Yahoo Blog要摺喇，sooooooooo sad～～
打完上一篇blog，雄心壯志咁諗住密密寫追番啲blog，點知呢篇未打完，就收到Yahoo Blog要摺既消息。
當堂洩晒氣，停咗落嚟冇再打，一dum。。。。就dum咗十幾日。。。。
記得响皓皓半歲既時候(2008年10月)，媽咪貪得意開咗呢個blog，寫低皓皓成長既一點一滴～～～
由初初hea寫，到越寫越有heart；由初初嘜都唔識整，到後來苦心經營整靚個blog；由初初只諗住係畀自己一家人留低美好回憶既地方，到後來認識到好多來自唔同地方唔同背景既blog友，成為大家互相交流分享既平台。。。。只可以講，雖然yahoo blog問題越嚟越多，但係，媽咪對佢真係好有感情。。。超級，超級，超級唔捨得(想喊～～
)
知道好多blog友都做晒back up，做晒搬家。。。但係我，仲嘜都未整，好迷惘，唔知自己仲有冇呢個心力堅持落去，但係。。。。又好唔捨得皓皓既成長日誌無疾而終！
媽咪真係好希望記低皓皓既成長片段，生活點滴，畀佢大個仔睇番。。。呢份對佢嚟講將會係一份好大既禮物！(皓皓唔知會唔會咁覺得，但至少媽咪係咁諗！)
所以，媽咪真心想堅持繼續寫，好想能夠將舊blog都搬晒過去新blog，唔知複唔複雜既呢？
雖然未知何去何從，但我會抄低晒blog友仔既新blog地址，希望大家有緣再聚！
7月5號，皓皓K2既last day，放學番屋企後，皓皓攞住派番嚟既成長冊，進步獎，好孩子獎畀媽咪睇，好興奮咁～～
嗰一刻，媽咪真係百感交集。。。。
媽咪曾經講過，唔想自己做一個怪獸家長，唔想迫皓皓學呢樣學嗰樣，唔想皓皓响本應無憂無慮既童年已經要承受唔應該响佢既年齡出現既壓力。。。。因為咁，皓皓冇讀N班，除咗暑假，平時冇任何興趣班。。。。見到皓皓健康愉快咁成長，媽咪已經覺得好欣慰好滿足。
不過，媽咪唔係一個完美既家長，都會犯下一般家長都有既毛病，就係。。。。有時見到其他小朋友，樣樣嘢都好叻，又難免暗地裏做比較，比較完又有啲擔心：究竟咁樣係咪對皓皓好呢？樣樣唔識唔學，會唔會令佢輸在起跑線呢？將來。。。皓皓又會唔會追得上呢？
每次一比較，擔心，不安，就會隨之而起。。。。慶幸，媽咪最後都有堅持信念～～
今日，皓皓你絕對唔係班裏面突出優異既學生，但見到你開心健康咁成長，見到你一點一滴咁進步，見到你喜愛學校生活，喜愛學習。。。。其實已實好足夠喇～～
當然，媽咪係絕對知道幾個不爭既事實：
識多啲，競爭條件就強啲；年紀細，學嘢同吸收會較快；有啲性格開朗，喜歡面對新事物既小朋友，學多幾嘢根本唔係壓力，反而覺得係樂趣(但媽咪知你唔係呢類小朋友)；好多事情，小朋友係要試過先知自己鍾唔鍾意既。。。。
所以，媽咪希望自己做到中庸之道，將'一味催谷'同'自由放縱'之間既平衡點拿捏得恰到好處，鼓勵皓皓多啲嘗試，學習吓唔同既事物，希望佢能夠慢慢搵到自己既興趣。。。。皓皓，媽咪知你細膽，內向，怕面對陌生人，不過慢慢嚟啦，每個人都有自己既長處同弱點，有啲嘢。。。唔係迫。。。就可以迫出嚟既～～
好似學畫畫咁，媽咪真係好開心畀你學畫畫，因為知道你鍾意；又好似學英文咁，媽咪知你怕，知你唔想上，但幼稚園老師話你欠缺信心，逃避講，咁媽咪就自己同你傾多啲囉，同埋搵啲輕鬆既chat room畀你上囉，又或者自製一啲字卡畀你認吓啲生字囉。。。。。媽咪唔係要你啲英文叻到識飛，只係想你有自信少少，等你對住幼稚園既NET可以放膽啲，冇咁驚。。。。僅此而已～～皓皓。。。。我哋一齊努力啦，好唔好？
同場加映～～
六月尾七月頭，即放暑假前後嗰排，其實都影咗好多相，等媽咪將呢啲零碎既生活照都放埋出嚟先～～
响軒軒表哥仔屋企既會所遊水～
小型車展＠奧海城～～
超級車迷皓皓又點會肯放過試車既機會呢？
除咗足球籃球，皓皓連桌球都啱架～～
有日行旺角，先知道台灣名物Chirle Brown布丁原來响香港都有專門店，
即刻買一盒番屋企同皓皓一齊嘆～～
七月份媽咪仲要番工，爸爸就成日帶埋皓皓嚟接媽咪收工。。。。
等媽咪放工既時間，爸爸除咗會同皓皓响呢個長沙灣既球場踢波之外，
仲會去冒險樂園玩拋彩虹。。。。。
呢日佢哋拋中兩隻公仔，皓皓開心到呢～～～～
唔知大家知唔佑旺角街頭而家擺咗好幾個幫人影黑白相既攤檔呢？
我哋都幫襯咗一張，hehe～～
冇嘢做，又去咗冒險樂園玩。。。。
其實我哋真係冒險樂園既常客。。。冇計啦，個個細路都咁鍾意玩。。。。
最慘係。。。。連爸爸媽咪都係拋彩虹既粉絲嘛
古靈精怪既皓皓～～
Yahoo Blog要摺喇，sooooooooo sad～～
打完上一篇blog，雄心壯志咁諗住密密寫追番啲blog，點知呢篇未打完，就收到Yahoo Blog要摺既消息。
當堂洩晒氣，停咗落嚟冇再打，一dum。。。。就dum咗十幾日。。。。
記得响皓皓半歲既時候(2008年10月)，媽咪貪得意開咗呢個blog，寫低皓皓成長既一點一滴～～～
由初初hea寫，到越寫越有heart；由初初嘜都唔識整，到後來苦心經營整靚個blog；由初初只諗住係畀自己一家人留低美好回憶既地方，到後來認識到好多來自唔同地方唔同背景既blog友，成為大家互相交流分享既平台。。。。只可以講，雖然yahoo blog問題越嚟越多，但係，媽咪對佢真係好有感情。。。超級，超級，超級唔捨得(想喊～～
)知道好多blog友都做晒back up，做晒搬家。。。但係我，仲嘜都未整，好迷惘，唔知自己仲有冇呢個心力堅持落去，但係。。。。又好唔捨得皓皓既成長日誌無疾而終！
媽咪真係好希望記低皓皓既成長片段，生活點滴，畀佢大個仔睇番。。。呢份對佢嚟講將會係一份好大既禮物！(皓皓唔知會唔會咁覺得，但至少媽咪係咁諗！)
所以，媽咪真心想堅持繼續寫，好想能夠將舊blog都搬晒過去新blog，唔知複唔複雜既呢？
雖然未知何去何從，但我會抄低晒blog友仔既新blog地址，希望大家有緣再聚！
