呢個禮拜,媽咪開始放12日既聖誕假,但係大家唔好以為佢好得閒喎,事關佢日日同我皓皓bb出街街,連寫blog既時間都冇,所以,我皓皓bb過既第一個聖誕節係非常咁多姿多采既!
12月24日平安夜,爸爸都有假放,我哋出咗尖沙咀shopping,爸爸媽咪除咗買自己既野,亦買咗個奶樽俾我。點解零零丁丁買一個咁少?講你都唔信,有一朝早爸爸餵完我飲奶,將個奶樽放咗响窗台,點知俾風吹咗落街,你哋話幾咁神奇呃!
咦!點解呢棵聖誕樹咁奇怪既?
嘩!棵樹咭肉既?
我唔影la,咁恐怖!
行完尖咀,爸爸媽咪同我搭渡海小輪去中環再轉的士番屋企打邊爐,可惜因為時間尚早,d燈飾都未開,所以冇影到相。
12月25日,爸爸都仲係放假,呢日我哋去咗銅鑼灣行街街.....
去到銅鑼灣,爸爸話肚餓,所以先去high tea,但係要等位,悶爆!
媽咪,等咁耐都未有野食既?
吓!d野唔啱我食?
咁俾套餐具我「托」咩?
夜晚,爸爸媽咪劈低我自己去燒野食,嗚..嗚..
12月26日,爸爸要番工lu,媽咪同我出去奧海城搵公公婆婆、芬姨佢哋食lunch,呢幾張相係臨出去之前影既。
尋日戴呢頂帽出街,竟然....好評如潮,所以媽咪話今日一於繼續戴。
咁攪法,頂帽都唔知要戴多幾多日?
好彩呢排天氣凍,如果唔係肯定焗到生熱痱!
12月27日,今日終於有得攤抖吓喇,事關....媽咪自己都好攰,所以今日晏晝我同媽咪冇出街,响屋企玩吓、瞓吓,等到夜晚爸爸收工先一齊出上環鋸扒。
玩紙包飲品盒係我既「飛佛」,我可以玩成半粒鐘架!
媽咪,支飲筒甩咗,幫我插番入去咩!
唔幫算數!最多我咪玩奶嘟嘟!
瞓醒覺,食完粥仔,成7點鐘,係時候入房換定衫等爸爸收工。
快d啦,媽咪!仲唔換衫?
好la,影埋呢張好la,費事要爸爸等呀!
出去食飯,竟然唔記得帶相機影相,真失策!呢份聖誕禮物係食飯嗰間餐廳送既,睇黎又係益心心表姐架喇!
仲有8日假期,唔知媽咪仲會帶我去邊度玩呢?