媽咪生日果晚既餘興節目就係～～～～
睇燈飾喇！
爸爸媽咪由拍拖以黎從來未試過睇燈飾架，如果唔係為咗同我影相，果晚都唔會去，所以．．．．．
爸爸媽咪，多謝我la，係我造就呢個睇燈飾既機會比你哋架！
原本係一幅好靚既維港夜景加聖誕燈飾圖，點知出自爸爸既手筆，會變成．．．．唉！！！
爸爸，點解搣唔倒落黎既？我想攞番屋企玩呀！
媽咪，抱高d、抱高d！我要高過棵聖誕樹！
咦！點解四圍都係呢d又金又銀既波波既？
媽咪，後面架火車駛埋黎la，仲唔抱我走？
嘩！好高呀！騎膊馬果然係唔同d！
爸爸，因嘜解救你喘晒氣？好辛苦咩？
yo－！辛苦都要繼續騎，因為實在太好玩la！
你哋睇吓後面個鐘～～又夜、又凍，仲响條街度流連。俾婆婆知道？哼－－媽咪，你「屎」緊喇！
諗到呢度媽咪都有d怯，都係行入商場穩陣d！
喂！爸爸，做嘜事擺我上黎？呢隻咩黎架？摸吓係嘜東東先！
嘩！好恐怖呀！毛「神」「神」既？
快d抱番我落黎la，仲笑！
坐响呢兩隻中間咪好囉！何必要人坐响隻有毛既上面呢？
呢兩隻都唔錯，仲可以鹹豬手吓佢個pat pat 添！
影成晚都未影夠，第二日去到銅鑼灣，再影！
各位！祝你哋 Merry X'mas！クリスマスおめでとう ！仙丹cry la（普通話）！
擺番個型仔post先！咁樣擺掂唔掂？
（阿b，爸爸話掂過碌蔗喎！）
人哋唔知，仲以為我自己識企。he！
（阿b，咪响度沾沾自喜！）
媽咪，企就話要扶啫，坐都要？
咦？點解咁似我換尿片個post既？
Bear Bear，你同我嗰個吹水唔抺咀既 Bear Bear 熊契爺係咪有親戚關係架？
呢兩日有爸爸媽咪陪住我，真係好！你哋快d放大假la！
（阿b，你估淨係你想咩？）
沒有留言:
張貼留言