呢個禮拜五、六、日......

禮拜五，媽咪爸爸撇甩我出街食飯，點解我仲會咁開心？

因為．．．．．

媽咪雖然個人出咗街，但係個心仲掛住買聖誕禮物俾我。你哋睇！麵包超人鼓鼓同埋麵包超人電話。

　　

　　個電話好多掣架，又可以攞黎「鏗」人。

阿b，雖然唔駛出街見人啫，但係都唔係著到咁「Yeah」　　呀嘛？見倒就想笑！

 

禮拜六，屋企附近間幼稚園攪聖誕嘉年華，媽咪同我落去兜咗個圈，不過我冇嘜mood，因為實在太眼瞓剌！

個樣係咪好似就快瞓著呢？

兩個雪人，你哋估我鍾意邊隻多d？

呢隻？No, 佢唔係我杯茶．．．．

緊係鍾意呢隻啦！難得有人矮過我喎！

臨走送份禮物俾我，多謝晒！不過份禮物都係益心心表姐架la！計我話，俾枝奶奶我飲完瞓覺仲實際！

 

禮拜日，媽咪同我去軒軒表哥仔屋企，咁順便緊係去佢屋企樓下個商場影吓相la．．．．

媽咪，呢隻鴨仔大過我屋企嗰隻咁多既？

　　

　　喂！軒軒表哥、心心表姐，一齊過黎影相呃！

軒軒表哥、心心表姐，望鏡頭．．．．

喂！軒軒表哥，你望我媽咪做嘜啫？望鏡頭呀！

心心表姐：阿b，冷靜d，唔駛咁激動！

乘機搣一野先！hehe！平時成日失驚無神大嗌嚇我呃嗱！

　　

軒軒表哥：夠la，見好就收la！你咪恃住自己係bb我唔敢郁你喎！

　　

同你好熟咩？捉住人哋隻手！haha！又借d咦批咗軒軒表哥一踭！

　　

軒軒表哥：喂！師父！仲唔幫拖？

心心表姐：收到！即刻做嘢！

軒軒表哥：睇你仲有冇得郁！

軒軒表哥、心心表姐，做嘜影影吓走開啫？

唓！都唔好玩既！都係自己影好d！

　　

　　爸爸，你嗰日無黎到，呢張送俾你既！