時間過得真係快，眨吓眼，皓皓今年就番K1喇！開學至今已經兩個幾月，都係時候做番少少既回顧，但係遲遲都未落筆．．．．除咗因為忙同埋懶之外，其次就係因為升咗級之後既BLOG好唔順眼，以前既日誌既擺位又亂晒籠；記得最初寫blog嗰陣，自己唔係好識攪個blog 既版面設計，真係用咗好多心機，搵啲資料一路睇一路學，卒之整到個自己好鍾意既版面，而家佢一聲唔該，所有心血都冇晒lu．．．．猶幸未有好似blog友所講咁，唔見咗一啲以前既日誌（其實冇check，不過睇落好似齊番晒）～～～
寫咗三年blog，最初只係見人哋寫，好似幾得意，於是又寫埋一份；寫吓寫吓，發覺自己上咗癮，同埋隔一段時間睇番啲舊blog，睇番皓皓成長既趣事或者鎖碎事，真係一件好開心既事．．．．．爸爸前排就同媽咪講，佢將皓皓既blog由第一篇睇番起，一直睇到尾，覺得好感動－－嗰一刻，我真係好慶幸自己有走去湊熱鬧寫blog，如果唔係，我相信我同爸爸有好多嘢都遺忘咗lu～～所以，雖然好多blog友都改玩facebook而唔再寫blog，我都希望自己可以繼續堅持寫落去．．．．
响寫皓皓九月開學既嘢之前，先講記番八月份一啲零碎既事，而當中最值得記既，當然係皓皓番K1適應班喇～～
皓皓好鍾意'嘟'八達通，而家三歲幾，
係時候擁有一張屬於自己既八達通喇～～
不過話說呢日坐咗一程港鐵，
皓皓就唔見咗張八達通，激死！
8月23號，爸爸要去中環整啲嘢，所以我哋去咗Jasmine Place嘆茶～～
臨夜就帶皓皓去睇醫生，因為25號要交張健康紀綠卡俾幼稚園，要醫生幫手度頭圍同胸圍，。
醫生一度皓皓個頭，就話：嘩！你個頭好大喎！唔知大過個胸幾多呢？
度完個胸，醫生就話：哦……唔係大好多啫！兩cm啫！
原來皓皓真係頭大過胸，媽咪最初仲以為醫生講笑添呀！
臨夜就帶皓皓去睇醫生，因為25號要交張健康紀綠卡俾幼稚園，要醫生幫手度頭圍同胸圍，。
醫生一度皓皓個頭，就話：嘩！你個頭好大喎！唔知大過個胸幾多呢？
度完個胸，醫生就話：哦……唔係大好多啫！兩cm啫！
原來皓皓真係頭大過胸，媽咪最初仲以為醫生講笑添呀！
8月24號，爸爸放假，我哋出咗尖沙咀食嘢同行街街～～
夜晚就去咗天后，爸爸話呢間清湯腩都ok既，咁就試吓囉～～
8月25號，皓皓第一次正式著校服番學，
不過只係番去
你睇皓皓幾開心．．．．
响皓皓心目中，番學既意思就好似上playgroup咁，有媽咪陪住佢。。。
所以媽咪其實好擔心，到正式要佢自己入課室嗰日，
佢肯定喊到拆天～～～
响皓皓心目中，番學既意思就好似上playgroup咁，有媽咪陪住佢。。。
所以媽咪其實好擔心，到正式要佢自己入課室嗰日，
佢肯定喊到拆天～～～
入到課室，攞完書包通告，聽完老師講嘢，就俾皓皓坐多一陣．．．．
玩吓，希望佢適應吓個環境。聽日就正式上適應班喇～～
老師教皓皓，放學離開課室後要將張相反轉，又叫皓皓認住佢自己張相既位置．．．．
走嗰陣仲爭住要自己孭書包，唔知佢會唔會以為日日番學就係咁既呢？
8月2６號，開始上適應班，一直上到31號，媽咪放大假只可以放到2６號，
換言之，媽咪只可以陪皓皓番第一日適應班．．．．
媽咪呢份工，唔可以自己想幾時放假就放假，
呢日可以陪住皓皓踏上佢人生中一個新既階段，
媽咪已經好滿足架喇，～～
換言之，媽咪只可以陪皓皓番第一日適應班．．．．
媽咪呢份工，唔可以自己想幾時放假就放假，
呢日可以陪住皓皓踏上佢人生中一個新既階段，
媽咪已經好滿足架喇，～～
適應班冇校車坐，我哋呢日要自己搭小巴去學校～～
入到課室，等皓皓坐定，爸爸媽咪就諗住走，
不過皓皓死lur住媽咪，媽咪一郁，佢就彈起身話一齊走，
老師見到，就叫媽咪陪住佢，
媽咪見好多家長都坐响課室唔走，又見皓皓喊成咁，
唯有留低陪佢啦！
皓皓排隊既時候都要吼住媽咪，驚媽咪自己走咗～～
食茶點又要吼住，總之佢一見媽咪行開少少，佢就彈起身．．．．
最留心算係睇木偶劇場既時候喇，只係間唔中搜索爸爸媽咪既蹤影。
自由活動之後就放學喇！
今日全程媽咪陪住皓皓上堂，唔掂呀！正式番學點攪？
所以爸爸話，下個星期一上適應班，佢會好狠心咁由得皓皓喊，
爸爸話，點都要有第一次．．．．
佢仲話，媽咪唔在場會好啲，因為皓皓見到媽咪會喊得勁啲，
而媽咪又會忍唔住喊咁話喎．．．．
其實爸爸都講得啱，星期一冇假放都好既，媽咪唔駛面對呢個場面～～
放學之後就出婆婆度，搵埋表哥表姐一齊食tea一齊玩～～
8月27號星期六，又出咗九龍搵表哥表姐玩．．．．
响奧海城見到小丑哥哥扭氣球，皓皓要求哥哥扭一枝槍，
俾氣球皓皓既時候，哥哥抱住皓皓影相，
超出奇地，皓皓竟然冇反抗喎．．．．
之後買咗副泥膠俾皓皓玩～～
講俾大家知，呢日係皓皓第一次玩泥膠咋。。。
不過佢一玩就愛上咗呢個玩意喇！
8月29號至31號，媽咪要番工喇，由爸爸帶皓皓上適應班。
呢個爸爸，一張相都冇幫媽咪影呀，俾佢激死～～
29號，媽咪全日都要開會，不過真係好心掛掛，成日諗住皓皓，
爸爸話過會由得佢喊都要狠心咁走，媽咪真係好擔心皓皓會喊得好勁。。。。
媽咪一到下晝皓皓番學既時間，就即刻打俾爸爸，
爸爸話皓皓喊得好淒厲，猛咁嗌：爸爸你唔好走呀～～爸爸你番黎呀～～帶埋我走呀！
爸爸話佢心都UP埋，不過就死忍住唔拎轉頭望佢。。。。
媽咪聽到呢度，已經忍唔住眼濕濕，不過好多同事响度，唯有盡量抑制住～～
爸爸湊放學既時候，見皓皓已經冇嘜異樣，個心當堂安樂晒！
老師話皓皓大概喊咗十幾分鐘就收咗聲。。。。
不過媽咪完全想像到，皓皓喊既時候個瘋狂樣～～～～
就係會打人，同埋眼淚鼻涕出晒，跟住將塊面捽落老師個膊頭度。。。
好彩，皓皓勁喊完第一日之後，跟住嗰兩日雖然都有喊，
但係喊既時間少咗，老師放學仲讚皓皓乖添！
講俾大家知，呢日係皓皓第一次玩泥膠咋。。。
不過佢一玩就愛上咗呢個玩意喇！
8月29號至31號，媽咪要番工喇，由爸爸帶皓皓上適應班。
呢個爸爸，一張相都冇幫媽咪影呀，俾佢激死～～
29號，媽咪全日都要開會，不過真係好心掛掛，成日諗住皓皓，
爸爸話過會由得佢喊都要狠心咁走，媽咪真係好擔心皓皓會喊得好勁。。。。
媽咪一到下晝皓皓番學既時間，就即刻打俾爸爸，
爸爸話皓皓喊得好淒厲，猛咁嗌：爸爸你唔好走呀～～爸爸你番黎呀～～帶埋我走呀！
爸爸話佢心都UP埋，不過就死忍住唔拎轉頭望佢。。。。
媽咪聽到呢度，已經忍唔住眼濕濕，不過好多同事响度，唯有盡量抑制住～～
爸爸湊放學既時候，見皓皓已經冇嘜異樣，個心當堂安樂晒！
老師話皓皓大概喊咗十幾分鐘就收咗聲。。。。
不過媽咪完全想像到，皓皓喊既時候個瘋狂樣～～～～
就係會打人，同埋眼淚鼻涕出晒，跟住將塊面捽落老師個膊頭度。。。
好彩，皓皓勁喊完第一日之後，跟住嗰兩日雖然都有喊，
但係喊既時間少咗，老師放學仲讚皓皓乖添！
皓皓，你終於克服咗自己一個入課室上堂既恐懼，真係好叻仔呀！
其實媽咪之前真係好好好擔心架，
因為你既性格比較文靜內向，又慣咗淨係痴住爸爸媽咪，
真係驚你勁抗拒番學，咁就死喇！
番適應班算係非常成功，到９月１號，又有下一個挑戰。。。
就係皓皓要自己坐校車番學喇！
究竟情況又係點？下回再講～～
其實媽咪之前真係好好好擔心架，
因為你既性格比較文靜內向，又慣咗淨係痴住爸爸媽咪，
真係驚你勁抗拒番學，咁就死喇！
番適應班算係非常成功，到９月１號，又有下一個挑戰。。。
就係皓皓要自己坐校車番學喇！
究竟情況又係點？下回再講～～
