聖誕特輯part4@Times Square & Langham Place

2010年12月25日前last一輯聖誕燈飾相，就係時代同朗豪坊喇～～前者就不嬲都多人啦；後者，因為今年有好多Hello Kitty坐鎮，所以都超迫囉！

呢晚我哋先去利舞臺踞扒～～

皓皓認得個logo同自己件衫一樣～～

嘩！好多人呀！好彩book咗位咋！

皓皓又表演佢最拿手既魔術。。。。

表演完仲要自己讚自己'叻叻'～～

皓皓好鍾意飲忌廉湯。。。

嗌咗兩份扒，再加多個意粉，份量嗌多咗。。。。

（個意粉係爸爸既指定食品，佢話超好味。）

雖然皓皓都有幫手食啲，但係都食到好飽～～

嘆埋杯凍OTea先～～

又有Garcons logo，皓皓好開心咁走埋去影相。。。。

之後黎到Times Square～～

我企得型唔型仔呀？

懶係怕醜咁既樣～～

今年既佈置全部都係呢啲figure～～

雖然冇嘜聖誕feel，不過都幾得意既～～

影埋呢個figure就冇再影喇，因為皓皓扭計要走。。。

話說有個應該係黎自台灣既遊客，走埋黎問媽咪，

可唔可以同皓皓影張相，佢話皓皓好可愛！

媽咪心諗，影張相有嘜所謂啫！但係要我個仔肯至得架！

果然，媽咪一提出'同姐姐影張相'既要求，

皓皓即刻耍晒手擰晒頭，又喊晒口，

攪到媽咪要同人'沙冧'，跟住皓皓仲唔肯再影相添。。。

第二日再約埋心心表姐去朗豪坊影相。。。。

今年有媽咪最鍾意既Hello Kitty，點可以唔黎影？

隻隻公仔都要排隊，或者同人競爭一輪先至影到～～

真係多人到爆～～

睇吓！皓皓拎住嗰個係hello kitty袋仔黎架，

襯番今日既主題嘛！

皓皓自己成日要求揪kitty袋仔出街，成個女仔咁！

好多相皓皓無望鏡頭都迫住收貨，

因為唔好意思霸住啲影相位～～

呢張gingerbread都好得意！

巴士頭同巴士車身都好多人，唯有响車尾影張相就算喇！

未影完，啲人已經企定响側邊諗住搶位，

所以影得好艱辛呀！

自從俾皓皓自己買咗一個郵票之後，

佢對'寄信'非常感興趣～～

影埋幸福摩天輪，食埋個tea就走喇～～

仲有聖誕假啲blog未出，

睇黎媽咪要加把勁至得～～

媽咪生日+聖誕特輯part3@Pacific Place

12月4日(星期六)

今年媽咪既生日終於响正禮拜六喇！上年前年生日都响平日，都冇特登請假慶祝（有quota都留番响皓皓生日先請啦），只係夜晚食餐飯就算；今年諗住可以有啲攪作啦，點知遇正今年皓皓要in K1，所以原定呢日既行程仲忙過番工～～２間幼稚園面試＋１間幼稚園open day。。。。

不過咁，我哋最後放棄咗一間幼稚園既面試，另外一間既open day因為時間唔太夾，唔想皓皓咁攰，最後都冇去到，結果我哋只係晏晝去咗跑馬地既一間幼稚園interview。。。。

雖然行程鬆動咗，但係有interview吊住，基本上都冇得諗住去邊度玩lu！當然，夜晚出去食餐飯就一定冇走雞架啦～～

interview前，先去至愛既壽司廣嘆sushi～～

皓皓渣筷子真係幾叻！買咗對pooh pooh既學習筷子俾佢，

但係基本上佢都冇用過， 一開始就學大人咁渣筷子！

皓皓遺傳咗媽咪既喜好～～超愛吃sushi！

又遺傳咗爸爸既喜好～～超愛飲奶茶！

食完lunch就去幼稚園interview。。。。。

呢日皓皓既表現一如以往般'出色'～～

除咗一貫既三不作風：唔講、唔望、唔睬，

今日仲衰多一樣。。。。

就係老師指住佢幅相，問佢：呢個係咪皓皓呀？

佢竟然指住自己幅相，好似傻瓜咁好浮誇咁哈哈大笑

當時爸爸坐响後面（老師要求家長齋坐唔好參與面試），

見到皓皓咁，佢竟然都笑到翻艇咁滯。。。

真係兩仔爺一擔擔，激屎！

其實都預咗唔得，都係抱住不妨一試既心態黎in。。。

同埋in完可以响playground玩咗成半粒鐘～～

對皓皓黎講都係一大收穫～～

夜晚六點幾，就去金鐘join埋芬姨同心心表姐食dinner，

呢個係心心表姐送俾媽咪既生日禮物，

仲有一張自畫既生日咭。。。

我哋一行５人去咗Conrad食buffet。。。。

媽咪唔食生蠔，唯有主攻刺身同蝦蟹。。。。

又係咁～～叫極都唔望鏡頭。。。

buffet場地出面有個泳池，心心表姐要求出泳池睇睇～～

仲話：最衰冇帶泳衣啦！

唔好玩啦，心心表姐！

原本爸爸話買蛋糕黎切，媽咪心諗：咪盞嘥！

食buffet已經咁飽，仲點食得落生日蛋糕。。。。

所以媽咪建議，用呢度既desert插蠟燭就算喇！

咁樣砌出黎都幾靚呃！

皓皓見到咁多蠟燭，已經嘟晒咀想吹。。。

爸爸點蠟燭，皓皓好緊張吼住。。。

唱生日歌～～

開心時刻到～～呼、呼、呼！

吹到成pat口水流晒出黎。。

攪到隔離枱啲人都响度笑～～

皓皓話：呢個好好食～～

媽咪試一啖。。。。又真係幾ok喎！

而家食完飯又鍾意講：我叫姐姐埋單～～

食完buffet，去Pacific Place影聖誕燈飾～～

今年既佈置啱晒皓皓，有路軌，有火車。。。。

仲有呢個。。。

皓皓稱之為'開閘閂閘'～

佢超鍾意企响停車場睇呢個'開閘閂閘'！

見冇人看住，索性坐埋入去影。。。

扮捉棋？

每年呢度都放間屋仔，裏面佈置得好有聖誕feel。。。

不過木屋仔入面好多人，唯有响屋外面影吓就算～～

皓皓望嘜嘢入晒神？？？

之唔係呢列火車囉！

商場上空有兩列火車沿住路軌兜圈，

皓皓睇到唔捨得走～～

今年生日都算難忘，

因為皓皓bb識得唱晒成首生日歌俾媽咪聽，

從來都冇諗過生日歌會咁好聽既！

皓皓唱完仲要講一句：

媽咪生日快樂！

冧到媽咪咩！