２月２日（星期三）
今日年晚，係媽咪新年假既第一日。每年年晚，媽咪都會流晒口水，因為可以食到婆婆每年只係會煮一次既湯圓。。。。
十二點幾出到婆婆屋企，婆婆啱啱搓完麵粉，
於是俾皓皓試吓搓湯圓～～
初初搓既時候都仲OK，覺得幾得意。。。
越搓越唔對路，可能覺得啲麵粉痴到成手都係。。。
即時要求丟咗粒湯圓，HAHA～～
好正正正正。。。。媽咪食咗４碗～～
唔知邊日去金鐘買嘢食既時候影既～～
哈哈，見無嘜相，post埋出黎啦～～
同場加映
１月３０日（星期日）
心心表姐攞紫荊獎
心心表姐今年第一個學期既成績好好呀，考到全級頭十名，攞到學校頒發既紫荊獎，呢日爸爸媽咪同皓皓bb一齊去捧吓心心表姐場～～
嘩，邊個咁大膽，响典禮進行期間明目張膽咁睇圖書？
之唔係皓皓bb囉～～
不過見人哋拍手掌，佢都有拍架。。。。
好少可見到心心表姐咁一本正經～～
心心表姐响後面等老師派發獎狀～～
yeah～～表姐好叻，希望佢可以keep住呢個好成績。。。
頒獎禮完咗，我哋去咗尖咀hea～～
行完街街，番婆婆屋企食飯，咁又１day～～～
兩歲前既皓皓bb，對於車唔係太熱衷，當時媽咪諗：點解皓皓會鍾意公仔多過車車架呢？仲以為佢係非一般既男孩子添。。。。
兩歲之後，唔知由幾時開始，皓皓開始對車著迷，私家車、大巴士、van仔、貨車、電車。。。。所有車佢都認得出講得出，而佢最鍾意既，就係電單車、的士、警察車同救護車，而家屋企每個角落，已經俾車仔充斥住！
有時行街街，皓皓見到佢鍾意既車，甚至會望到唔肯走。。。。所以當媽咪從朋友口中得知尖沙咀既消防局攪開放日，有得睇皓皓趨之若鶩既警察電單車，就帶咗皓皓去喇～～
1月16日(星期日)
一入到去，就見到一架架救護車、消防車泊晒响度～～
皓皓既表情話俾我聽。。。。
佢真係好驚訝～～
可能未試過咁近距離見到咁多架救護車，仲可以俾佢摸添！
當日皓皓最鍾意既警察電單車。。。。
佢真係恨坐咗好耐喇。。。。
排隊既時候佢已經好期待好期待。。
警察哥哥仲俾埋部over對講機皓皓玩。。。
皓皓坐到唔捨得離開～～
跟住又要求排隊坐埋呢架紅色既。。。
全場最大架既消防車。。。。。
呢日既參觀，令皓皓認識埋消防車～～
因為之前比較少見消防車，所以無教過皓皓。。
好攪笑架皓皓，架架車都要摸一摸，
佢真係好鍾意車，呢日總算滿足到佢既慾望。。
當日開放日仲有啲攤位遊戲，皓皓又一齊排，都有份玩架！
啲哥哥姐姐俾咗個最簡單既得四塊既砌圖皓皓砌，
但係都要媽咪幫手至完成到
當日我哋去咗奧海城同公公婆婆食lunch。。。。
今年既新年佈置幾得意～～
心心表姐＆詩詩表姐～～
對一串串吊住既花花好有興趣～～
同場加映
1月15日，大頭蝦既媽咪記錯時間，以為呢日就係十六號，係尖沙咀消防局開放日，於是嗌埋表哥表姐們一齊去睇睇，點知去到人哋重門深鎖，媽咪先知自己擺大烏龍。。。响舅父呀，芬姨呀，姨媽呀佢哋噓聲四起之際，滿心盼望既皓皓知道無得睇救護車警察車，即時失望到喊咗出黎！
Sorry呀，皓皓，攪到你唔開心添！媽咪唯有即時同你去玩具反斗城坐車車補番數啦～～
有得渣車車既皓皓，又即刻開心番晒～～
同軒軒表哥仔鍊番轉車先～～
見到搖控巴斯光年，好似大感興趣喎～～
但當媽咪問：要巴斯光年定要車車呀？
皓皓即時彈起身，攞住架車車走人。。
睇黎皓皓對車已經到達沉迷既地步～～
最近媽咪問皓皓大個仔學唔學渣車，
佢竟然講話要學電單車，
仲話會車媽咪去街街添！
皓皓，到時你既車尾位置肯俾媽咪坐至算啦！
自從參觀完消防局之後，媽咪每次見到消防車同電單車，
就忍唔住要買俾皓皓。。
再加上之前買落既警察車、救護車、的士等等一大堆，
再再加上佢自己踩開嗰四架車，屋企已經變成一個車場。。
最攪笑係，响板長食sushi，
皓皓會要求媽咪將墊枱紙上面既外賣電單車剪落黎俾佢，
攪到三張紙都冇咗一忽，笑死人
