今日我皓皓bb八個月la，响人哋眼中，呢八個月時間眨吓眼就過（因為媽咪d同事成日話：嘩！咁快既，你好似生咗冇幾耐咋喎！），但係對媽咪爸爸黎講，要對付我呢隻扭計骰，呢八個月絕唔係輕鬆架！不過咁，辛苦還辛苦，媽咪爸爸係好、好、好開心架！尤其是．．．．
見倒我呢個笑容．．．．．冧死佢哋la！你哋睇我幾古惑，識得用隻腳仔玩呼拉圈引ma ma & pa pa笑，仲會間唔中、失驚無神「呵」吓佢哋，氹到佢吔不知幾歡喜。好似尋朝早，我起身之後連續「呵」咗媽咪５啖，攪到佢開心到成日向爸爸炫耀，又攪到爸爸不知幾妒忌，hahahaha！
我隻手仔越黎越大力，你哋睇，可以單手攞起個雪糕筒。我仲可以神乎其技地，將支雪糕筒fing黎fing去，但係永遠只會「鏗」到人地，而唔會「鏗」到自己，問你死未？
唔得，個雪糕筒太輕剌，我要向高難度挑戰！
攞個巨型士的黎！放手la，媽咪，我得架！
哎吔！單手「渣」唔穩，都係要兩隻手添！軒軒表哥，你唔好以為我唔知你响後面笑緊我，「渣」唔穩好出奇咩？有嘜咁好笑啫？
而家我唔止隻手仔大力咗，仲越黎越識得模仿爸爸媽咪既動作．．．．．．
扮爸爸打PSP．．．．．．
唔單止動作似、表情似，連腳趾屈曲都似埋。
阿b，夠la！唔好再學la！
吓！媽咪，你又影低我d罪證俾爸爸睇？
橫豎爸爸都知我d曳曳野，唔爭在收埋佢部psp，等佢今晚放工揾餐死！hehe！
扮爸爸打PS3
呢個係爸爸既PS3手掣，好多掣，好好玩架！
阿b，呢鋪你唔似爸爸la，爸爸打機係唔會理人架！
放心，媽咪，我唔會掛住打機唔理你既！
扮爸爸除襪．．．．．．
除襪？easy job！爸爸每日放工都除襪，我偷晒師la！
扯住個襪頭起勢抆就得架剌！
攪錯呀！唔得既？激死我la！
扮媽咪搽cream．．．．．．
又响床上面執到野玩，咩黎架呢？
咦？係我枝cream黎喎！
學媽咪咁「吱」出黎先！
一隻手唔得，兩隻手用力「吱」。
我妻！cream呀cream呀！快d出黎呀！
哈哈哈，真係好玩！
