細味.......一周生活

 

1234567，星期一至星期七，無驚無險，又過咗一個禮拜。呢個禮拜冇嘜出過街街，除咗星期日．．．．．

　　　MON－－　　　　　

媽咪話寒流襲港，於是乎攞大伯送嗰件外套連冷帽俾我試試．．．．．

喂，我型唔型啫？

係咪好有Hip Pop味？

阿b，影多張先，望鏡頭．．．．．

媽咪，唔該借過，唔好阻住我睇電視。

媽咪，影咁耐架！我好辛苦呀！

 

　　　TUE－－　　　　　

呢排我無嘜叻，最叻就係bu..bu...bu...玩口水。呢日我玩口水玩到件衫濕晒，媽咪話要影低d罪證喎！

媽咪，聽講最初係你教我bu..bu...bu...架喎！

阿b，咁醒目！知道媽咪影你相即刻唔 bu。不過無用咩，你睇吓你件衫既口水漬？

我知呀，媽咪！我d口水多到可以俾我手上呢條魚游水呃嘛！

 

　　　    WED－－　　　　

天氣又凍又乾燥，攪到我塊面紅晒，搽咗cream都仲係一撻撻。我當然忍唔住要係咁wer，結果wer到塊面損晒，慘！

影相都冇咁覺，睇真人實嚇親你！

阿b，媽媽、爸爸、嫲嫲肉都赤埋，你仲笑得咁開心？

　　　  THU&FRI－－　　

媽咪話塊面花晒，所以唔影相

　　　     SAT－－　　　　

嘩！嘩！嘩！有新野玩！

呢架學行車係婆婆送既！幾靚！

嘩！呢個掣識響架喎！

等我研究埋其他掣有嘜function先！

婆婆，多謝你！

　　　     SUN－－　　　　

今日係呢個禮拜最開心既一日，係我咁大個仔第一次．．．．．

媽咪，今日不如食 pizza hut 呃！

等我幫你同爸爸睇吓食嘜先！

吓！唔駛睇？今日係烏蠅哥生日，去Conrad 食buffet？你唔係氹我開心嘛？

等我帶番條口水肩先，費事食到件靚衫污糟晒！咦，咪住！媽咪，今次會唔會又係齋睇冇得食架？

（阿b，陣間你咪知囉！）

嘩！真係好多野食！唔知有冇我份？

媽咪，快啲攞包包同魚魚俾我食，我等住開餐！

食飽飽，出黎睇吓風景先！呢度個view都唔錯喎！咦！後面個沖涼盆咁巨型既？

（阿b，係泳池黎架！）

er......um......係咩？泳池黎架咩？

 

今次係名副其實既有得睇，有得食，好野！Hahahahahaha！