6月16日(星期日)
呢日係父親節,可惜爸爸要番工呀,冇得一齊出街慶祝。。。。
不過咁,皓皓早一日已經親自將禮物送咗畀爸爸。
嘜嘢禮物??就係。。。。靚靚手錶一隻喇!
皓皓仲好窩心,親手幫爸爸戴上手錶,然後話:
爸爸,你聽日記住戴我隻手錶出街呀!
Wakaka!笑死媽咪!
不過,爸爸都唔弱喎,嚟一招耍太極,同皓皓講:
唔得!你送畀爸爸既手錶係用嚟珍寶架,唔可以戴出街,整爛點算呀?
咁啦!你幫爸爸將隻手錶痴响床頭啦!
皓皓即刻乖乖照做。。。。估唔到,呢招真係耍到皓皓喎!
呢日係父親節,可惜爸爸要番工呀,冇得一齊出街慶祝。。。。
不過咁,皓皓早一日已經親自將禮物送咗畀爸爸。
嘜嘢禮物??就係。。。。靚靚手錶一隻喇!
皓皓仲好窩心,親手幫爸爸戴上手錶,然後話:
爸爸,你聽日記住戴我隻手錶出街呀!
Wakaka!笑死媽咪!
不過,爸爸都唔弱喎,嚟一招耍太極,同皓皓講:
唔得!你送畀爸爸既手錶係用嚟珍寶架,唔可以戴出街,整爛點算呀?
咁啦!你幫爸爸將隻手錶痴响床頭啦!
皓皓即刻乖乖照做。。。。估唔到,呢招真係耍到皓皓喎!
呢兩張相,送埋畀你啦,爸爸!
所以呢日我哋好早就出咗九龍陪公公飲茶~~
飲完茶去咗奧海城,因為呢兩日奧比斯响奧海城有宣傳活動,仲會有啲攤位玩添~~
第一個遊戲好似電視決戰1分鐘咁,要响間尺上疊高五粒骰,皓皓玩既時候又緊張又興奮~
不過媽咪唔記得影相。。。。
第二個遊戲,就係將卡紙疊起,砌成一幢樓咁樣。。。。
加埋個屋頂。。。。搞掂!
呢佪呢。。。。就係要1分鐘之內射晒啲圈圈。。。。
皓皓唔夠力拉掣。。。。義工姐姐幫拖~~
呢個搞笑呀。。。。要1分鐘之內原地跑步,睇吓跑到幾多吓(心口掛住嗰個係計時器)~~
皓皓既成績~~131吓!都唔錯wor~~
呢日媽咪同芬姨都即場填咗每月定期捐款既表格。。。。
每月畀少少錢,就可以幫一啲患眼疾既貧窮小朋友醫病。
另外,即場捐款30蚊,可以揀一幅畫上色。。。。
皓皓都幾鍾意玩呢類小手工~~
油完顏色諗住離開,突然有個工作人員走過嚟,問皓皓上唔上台玩遊戲~~
媽咪諗住超級怕醜既皓皓會即刻拒絕,點知皓皓一聽到係玩決戰1分鐘,即刻lur飯應!
唔講大家唔知,皓皓係無記電視決戰1分鐘既忠實粉絲,每次都睇得異常投入。
唔單止睇,佢仲會要求媽咪攞啲道具畀佢試,例如疊膠杯啦,拋鉛筆啦咁。。。。
當然,平時媽咪同佢求求其其咁玩;今次咁認真咁真實,仲有晒評判,
媽咪估皓皓心裏面一定好興奮。。。。
究竟今次決戰1分鐘玩嘜?就係要將啲波仔運送到台前個兜兜度~~
每次只可以運一粒。。。。
中途跌咗就要重新再運過~~
地下粒黃色波就係皓皓臨門一腳,放落個兜既時候唔小心碌咗出嚟既。。。。
睇到媽咪不知幾肉緊~~
皓皓斯斯文文慢慢行,不過正所謂。。。淡淡定定有錢淨,
就係因為佢運得穩陣,所以只係跌咗一粒咁大把,其他小朋友因為心急,
反而成日响中途已經跌咗粒波波~~
最後,皓皓以一粒波之差輸咗畀右手面既哥哥,攞第二。。。。
不過已經算好好喇,因為皓皓應該係佢哋當中最細既一個~~
爸爸,阿仔今日送咗份父親節大禮畀你呀。。。。。
就係佢既膽量又跨進一大步,竟然肯獨自上台玩遊戲,好叻呀!
(Sorry,媽咪既戀仔病又發作)
6月22日(星期六)
之前上網睇到消息,話响日本擁有多家分店,主要賣日本動畫大師宮崎駿動畫商品既どんぐり共和国 ( Donguri
Republic),首度跨出日本,响海港城LCX開設海外第一間分店。雖然媽咪對宮崎駿既動畫認識唔多,不過呢日都嚟湊吓熱鬧~~
去中環搭船過尖咀,見到碼頭有雪糕車,又扭計要食。。。。
踏入商場,就見到大大個宣傳廣告~~
店鋪以外,仲有一啲商品呀,「龍貓」經典場面呀,同埋其他動畫電影展覽~~
雖然展覽裏面有其他電影,不過好明顯,龍貓係主角中既主角~~
媽咪其實冇睇過龍貓,不過都知道呢幕係電影中主角雨中邂逅龍貓既經典場面。。。。
而展覽會就將呢幕經典場面重現大家面前~~
Haha。。。我似唔似主角呀?
影完相,諗住入鋪頭睇吓有冇嘢買,同埋睇吓架貓巴士,點知。。。。
條排隊既人龍長到到冇朋友!
算啦!排個幾兩個鐘,點排呀?
唯有等遲啲熱潮過咗先再嚟睇啦!
呢日廣場仲有車展,車迷皓皓要逐架逐架'試車',興奮到呢!
對皓皓嚟講,車展比龍貓展吸引千萬倍。。。。
事關龍貓係爸爸媽咪年代既產物,皓皓根本唔知佢係嘜東東,呵呵呵^0^