足球狂迷之至愛三寶

皓皓係一個幾熱愛運動既小朋友，最鍾意同爸爸一齊睇波，睇NBA，睇snooker．．．．有時，會連乒乓波呀，網球呀羽毛球呀都撈埋！

或者你會問，佢鍾意既程度究竟去到邊呢？

就以足球為例：試過有一次，爸爸睇睇吓波頂唔順要瞓覺，皓皓就係都要堅持睇完場，卒之睇到夜晚一點；又試過有一次，因為佢偶像C朗畀人兩黃一紅趕出場，佢好似缺堤咁收唔到掣，喊到反艇咁滯．．．．

皓皓又會經常响屋企玩衝力射球＆守龍門，而對於一啲踢波既術語，嘜嘢角球呀越位呀，撞眉撞眉，後抽笠射．．．．佢全部都識。其實媽咪比較難理解，點解一個5歲零既小朋友會咁熱衷足球囉！

而講到皓皓既球員偶像，至愛既必定係：C朗，雲佩斯同美斯．．．．皓皓三月份生日既時候，爸爸媽咪送咗C朗同雲佩斯波衫畀佢，佢已經開心到彈起．．．．最近，爸爸又送埋件美斯畀佢～～



就係咁．．．．皓皓既至like三寶，終於都齊腳喇，wakaka！

除咗波衫，媽咪仲買埋佢三位偶像既figure畀佢～～

睇吓皓皓幾咁興奮！



欣賞緊自己啲寶物，haha～～
皓皓身上件國米，係爸爸响官方網訂番嚟架，不過。。。。。
皓皓開始唔多鍾意呢件波衫，因為佢話冇球員叫Issac架喎～



呢日出街，皓皓即刻要求著件美斯波衫～～



呢日去邊？就係趕住响rubber duck離開香港之前去探吓佢呀～～
大家見唔見對面海隻大鴨鴨呀？
鴨鴨，我哋搭船過嚟喇。。。。



終於見到大鴨既廬山真面目～～




不過真係超多人呀～～
迫到咁樣，媽咪真係冇意慾逗留太耐。。。。
我哋咋咋林影咗幾張相就走喇！

七月，曼聯同曼城都會嚟香港踢波，皓皓知道咗，
猛咁話好想睇。。。。曼聯既飛就買唔到。。。。
於是响曼城門票開售既第一日，帶咗皓皓去CWB通利買飛～～
原來一張飛可以睇晒兩場波，又幾抵喎，不過。。。。
媽咪已經有啲擔心嗰日响大球場坐幾粒鐘會熱鬼死～～



買完飛，咁啱見到嗰幾隊球隊既公仔响Sogo門外宣傳＆派禮物～～
皓皓即刻走過去影相，果然係足球小粉絲～～

香港既南華～～



熱刺～～

曼城～～
亦係皓皓嗰日比賽當日最like既一隊～～
媽咪諗皓皓超級期待既呢！

 

醒多兩張五月份既相畀大家睇，
著住紅戰士under既皓皓，係咪好sexy呢？wakaka！