10月24日(星期日)
平時星期日，媽咪都會同皓皓去公公婆婆屋企，食埋夜晚飯至走，俾佢可以多啲同表哥表姐一齊玩；不過今日係太婆生日，我哋夜晚要去灣仔參加太婆既壽宴，所以我哋只係响中午既時候出九龍陪公公婆婆飲茶，然後同表姐表哥佢哋短聚片刻～～
飲完茶，我哋先去奧海城會合舅父同軒軒表哥佢哋。。。
然後去佢哋屋企既平台公園玩～～
皓皓例牌痴住心心表姐。。。
心心表姐好乖，陪咗皓皓好耐先至自己走咗去喪玩～～
睇呢張相，驚覺皓皓大個咗好多，以前未夠高响呢豎裝出黎架～～
去公園唔少得既玩物～～泡泡槍。。。
玩玩吓無泡泡噴出，軒軒表哥即顯露大哥哥風範，
幫皓皓研究點樣先可以射出泡泡。。。
皓皓緊張到雙拳緊握～～
皓皓：咁耐架？究竟你識唔識整架，軒軒表哥？
得喇，得喇！但係。。。。
表哥點解你唔俾番枝泡泡槍我既？
算啦！冇得渣槍唧泡泡，追泡泡都好啦！
一樣玩得好開心！
興奮到用埋天殘foot～～
見人哋玩呢個，佢又玩埋一份。。。。
不過細膽豬好明顯有啲驚喎！
詩詩表姐企埋上去為皓皓壯膽，
皓皓即刻寬容晒。。。
表姐佢哋玩危險動作，就係成個人跳落個圈度，
然後由個底板度'捐'番出黎～～
皓皓睇到表姐佢哋玩得咁開心，竟然想玩埋一份，
嚇到媽咪要即刻走去扶住佢～～
公園真係一個俾小朋友混熟既好地方，
完全唔識既小朋友都可以一齊玩得好開心！
响公園玩完，上軒軒表哥屋企坐一陣，
就去灣仔同太婆慶祝生日喇！
今日雖然只係可以同表哥表姐短聚，但係玩得好開心呀！
由於媽咪太懶＆成日掛住上網打機，所以少咗update個blog，
唯有一次過post番啲相出黎
十月十五日，同皓皓去一間幼稚園報名兼參觀～～
因為有哥哥姐姐上緊堂，所以只係齋參觀冇得玩，
學校好大，環境唔錯。。。
報完名去食tea～～
夜晚又去咗萍姐度食嘢～～
一定會嗌既生蝦刺身～～媽咪至愛！
皓皓至愛～～燒墨魚丸！
另一至愛～～湯粉！
請你哋食呃！食唔食呀？
16號朝早，食完早餐入百佳兜個圈，
發現入面都有Halloween既嘢買，於是响度玩咗一大餐～～
正確黎講，應該話皓皓俾媽咪玩咗一大餐。。。
哈哈，媽咪，你好無聊呀！
其實皓皓都好無聊架。。。。
自己將個籃球架掛响條頸度～～
變咗人肉籃球架！
另一日又入百佳，媽咪又攞我黎玩。。。
我嬌唔嬌俏呀？？
最近終於識整雙V手勢～～
响屋企玩匿埋，仲要大叫：媽咪我匿埋咗！
手手腳腳突晒出黎，笑死人！
媽咪扮搵佢唔到，然後佢'砰'一聲推開衣櫃門，
大叫：我响呢度呀！high爆！
