皓皓bb的祈禱

十月二日(星期六)

今日係親子遊戲班既最後一堂，大家應該仲記得，遊戲班入面係有茶點時間既；大家又應該有印象，食茶點前老師會帶領小朋友先祈禱～～以往皓皓祈禱，都表現得相當求其，雙手係咁咦疊埋，對眼又唔肯瞇埋。。。。呢日，咦？？？

皓皓終於識雙手合十，兼且瞇埋對眼喇！

哈哈！今次夠晒認真喇呱！

　　　　　　

　　　　

今日專登帶皓皓玩第二啲玩具，點知佢玩咗一分鐘都冇，

就去返玩砌積木。。。。

唱遊時間～～又係玩扮渣車！

有音樂既時候就渣住個呼拉圈扮扭呔盤～～

音樂停就擺低個呼拉圈。。。

唱遊時間完就到食茶點時間～～

老師都未開始祈禱，皓皓已經急不及待雙手合十。。。

老師咁多嘢講既？仲未開始祈禱架？

皓皓唔知係咪太心急想飲利賓納＆食餅餅，

佢終於忍唔住自己開始祈禱，

而當全世界開始祈禱嗰陣佢就偷步開始食嘢～～

所以祈禱認真都冇用，都唔聽指令做嘢～～

利賓納係皓皓其中一樣既至愛，又難怪佢咁心急既。。。

睇佢飲得幾滋味！！

食完嘢幫手將啲杯杯碟碟擺番好，真係乖！

又到聽故事時間。。。

其實皓皓唔算太專心，間中仲想起身走黎媽咪度～～

到老師教做小手工，佢就非常留心。。。

皓皓真係幾鍾意做小手工架！

做完小手工跟住做體能活動～～

上次媽咪話覺得周老師（紫衫者）好錫皓皓，

原來媽咪既直覺係冇錯架！

周老師今日同皓皓ｂ講：你好乖呀！我真係好鍾意你呀！

周老師又讚皓皓靚仔，又讚皓皓頭髮好貼服。。。

其實媽咪都覺得周老師你對小朋友好有愛心，

如果皓皓第時既幼稚園老師好似你咁，

咁媽咪就放心晒喇！

落堂前逐個小朋友出去攞番自己既小手工同埋證書。

呢！頭上面頂帽就係今堂既小手工，

皓皓手上既就係今次遊戲班既證書，

連埋呢張，皓皓有三張證書，

皓皓响呢度已經上咗三次親子遊戲班。。

仲有一張第一堂影既合照。。。

周老師，我哋將來有緣再見喇！

踏入十月，媽咪開始好忙碌咁幫皓皓報出年既K1，

朋友話呢間幼稚園都唔錯，媽咪見皓皓都幾鍾意呢度，

所以都有報呢間幼稚園。。。

另外呢排又參觀咗兩間幼稚園，

參觀完問皓皓：鍾唔鍾意呢間學校呀？

皓皓答：鍾意！不過隔咗幾秒佢又補充：

我鍾意'筆'豆豆嗰間學校！

（即係上親子遊戲班＆周老師呢間）

皓皓，唔怪得嫲嫲話你好有主見啦，

嘜嘢都要自己決定！

不過你鍾意，都要人哋肯收至得架喎！

阿仔，媽咪陪你一齊，加油！加油！