2月16日(星期四)
之前因為要寫皓皓既４歲生日而停咗追blog，又係時候快快趣趣寫埋佢。。。。好彩新年之後至到皓皓生日期間，要記既事情唔係太多，所以又可以偷懶，１篇攪掂佢！如果唔係，就有排到未寫到四月份，haha～～
呢段期間，最值得記錄既就係皓皓幼稚園第二次既觀課日。之前媽咪寫過，响上學期十二月份既第一次觀課，皓皓既表現唔係咁好，見到爸爸媽咪就淨係識喊。。。。下學期既第二次觀課，情況又點呢？
入到課室，小朋友已經圍晒圈唱緊歌～～
見到個個家長都攞相機影相，媽咪都唔執輸即刻影影影。。。。
見唔到爸爸媽咪都好地地，一見到爸爸媽咪，神色開始有啲唔自然，
不過冇好似上次咁，即刻變晒面同眼紅紅。。。。
跟住老師叫西瓜組既小朋友出去攞沙槌一路搖一路唱歌。。。。
皓皓係就係有聽話即刻彈起身出去，不過做動作既時候就一啲都唔合作。。。。
老師同小朋友都踎低，佢就依然故我企响豎，勁hea～～
只係跟住好朋友綽芝兜圈。。。。
唱完番埋位，到第二組既小朋友出去。。。。
坐番埋位既皓皓直程托晒腮，嘩。。。。。一啲都唔投入呀～～～
同學仔兼好朋友綽芝見佢咁，就不斷撩佢玩。。。。。
終於撩到皓皓笑逐顏開，兩個人仲差啲面貼面添，好sweet呀，哈哈～～～
再一次出去唱歌～～
唱完番埋位，同學仔全部兜亂晒坐，不過皓皓綽芝仍然痴埋一齊～～
排隊出室外遊樂場玩～～
室外遊樂場雖然細，不過有得玩，個個小朋友都好雀躍～～
玩之前，老師叫小朋友拉吓筋熱熱身先～～
鍾意車既皓皓全程不斷玩車，其他嘢眼尾都唔睇～～
玩完排隊入番課室。。。。
洗完手開始食茶點。。。。
啲小朋友好有秩序咁排隊攞餅餅～～
嘢飲方面，皓皓竟然揀清水唔揀鮮奶，真係估佢唔到～～
最後一個環節～～老師講故事。。
講故事前，老師點名。。。。
不過老師唔係叫名，係舉起一張張既白紙，上面寫咗小朋友個名。
原來，老師要小朋友認自己個名，
一認到，就要舉手講出自己既全名。。。。
只見老師一張張紙咁舉起，大部分小朋友都好醒目咁舉手大聲嗌出自己個名。
媽咪開啲擔心～～皓皓會唔會唔認得自己個名呢？
好緊張呀，終於見到寫咗皓皓個名既紙喇，只見皓皓即刻舉手，大聲講：羅鉦皓～～
hahaha。。。。好可愛呀
老講完故事，第二次觀課就完咗喇～～
總括黎講，爸爸媽咪好滿意皓皓既表現，
同第一次觀課既情況相比，簡直可以話係超額完成，
尤其是估唔到皓皓會認到自己個名。。。。
雖然有時候皓皓會顯得唔係好投入，不過我哋知道，
皓皓你一定會越黎越進步架，爸爸媽咪對你有信心～～
同場加映，二月份三月份摘錄～～
2月5號係洛洛表哥既生日，我哋出咗婆婆屋企開大食會～～
呢日媽咪本來約咗中學同學聚會，不過皓皓有啲唔舒服，玩咗陣公園就俾佢食藥瞓覺，
唯有等下次先至再聚啦～～
2月14號情人節，呢晚爸爸媽咪撇低咗皓皓出去慶祝～～
揀咗間幾有情調既餐廳，仲有朱古力送^0^
唔經唔覺，爸爸媽咪已經一齊走過十幾個年頭。。。。
食完飯由時代行過Sogo買蛋糕，時代出面有一架噴心形海綿既機器，
好多心心响時代廣場既上空飄呀飄，好有feel～～
買完蛋糕，番屋企同爸爸媽咪既小情人皓皓慶祝下半場～～
2月23號，爸爸媽咪見到有個鬼佬响旺角街頭扭汽球，
見佢扭得好靚，忍唔住買咗隻馬騮仔俾皓皓，皓皓勁鍾意～～
皓皓响學校做既手作仔，佢話送俾媽咪喎。。。。
呢啲金錢呀，利是封呀，年花呀，就係皓皓新年前响學校整既，好得意～～
2月25號係媽咪公司既open day，嗰日請咗個小丑哥哥黎扭汽球。。。。。
雖然呢個公主冇馬騮仔咁得意，但係都幾靚，況且係唔駛錢添～～
台上既band表演完，皓皓都走上台露兩手，哈哈～～
响媽咪負責既檔攤度攪攪震～～
3月3號，從來唔肯入salon既皓皓終於俾媽咪氹掂咗入去剪，不過佢超緊張，
初初係要媽咪捉住佢既手，到後尾先至放鬆少少。。。。。
經此一役，皓皓又還原基本步～～～～佢話唔再入去剪喎。。
都唔知點解佢咁抗拒？？？
皓皓實在太濃密喇啲頭髮，又大汗喎，剪完頭髮爽咗好多，爸爸就嫌剪得唔夠短。。。。
呢張係新買既書枱，响Franc franc見到，見有九折又有分期就忍唔住買咗，
睇吓睇吓，連張梳化都換埋。。。。都怪佢有分期啦。。。。
每個月俾啲，好似冇咁傷，唔覺唔覺就買大咗，要慳啲駛喇～～
追追追，下篇終於可以寫復活假喇，真係好慢。。。。。。
