放大假part4~~The Repluse Bay

8月11日(星期四)

呢日我哋又約咗標標舅父同軒軒表哥仔佢哋，今次係去沙灘玩。。。。上次去沙灘前，皓皓同媽咪講話自己敢落地踩沙，結果梗係得個講字啦！今次，皓皓事先又同媽咪講：我唔驚踩沙喇，我會自己落地行～～～

媽咪仲以為會同上次一樣，點知皓皓今次係講堅架

最初落地，媽咪睇到皓皓面有難色。。。。

但係佢竟然冇扭媽咪抱，好努力咁'乸'住口面向前行～～

皓皓，你今次冇講大話喇，講得出真係做得到，叻叻！

之前黎海灘，除咗筆沙沙，皓皓最鍾意就係倒水水。。。。

今次多咗一樣嘢玩，就係軒軒表哥帶黎既強力水槍～～

睇吓條水柱！幾勁！皓皓呢日以射人為樂，

媽咪舅父舅母，芬姨姨媽表哥表姐無一倖免。。。

吱完啲水落人哋個身度，佢就勁開心～～

朋友成日問得皓皓一個悶唔悶？點解唔生多個？

媽咪都驚皓皓悶架！所以一有時間就一定帶佢出婆婆度，

咁就有表哥表姐陪佢玩。。。。

皓皓同佢哋一齊又真係特別開心喎！

呢日唔算曬，但係都玩到塊面仔紅卜卜～～

仲影唔到你啲罪證？又用水槍吱表姐喇。。。。

軒軒表哥仔都唔放過。。。。

玩到六點幾就沖身諗住番屋企食飯。。。。

但係佢哋幾個好似意猶未盡，又要求玩公園～～

扯高咗既皓皓，顯得個身更加瘦，個頭仔就更加大～～

佢哋就玩得開心囉，難委媽咪响個公園度餵蚊，

玩咗一陣已經俾啲衰蚊咬咗６，７啖，痕死人喇！

同場加映～～

之前紀錄漏咗添！7月31號，皓皓第一次入戲院睇戲！皓皓人生中第一套睇既電影係～～反斗車王！媽咪本應預咗會嘥咗一張戲飛錢架喇，諗住皓皓一喊一扭，媽咪就同佢離場。。。。點知皓皓又好有耐性喎，竟然睇晒成套戲！算係咁啦！個劇情都幾深，幾歲既小朋友冇可能會睇得明，而皓皓只係嫌戴住副3D眼鏡成日跣落黎唔舒服，中途要求除咗佢，但就冇扭話要離場。。。。

睇片頭啲反斗奇兵，皓皓仲睇到哈哈大笑添～～皓皓第一次入戲院睇戲，成功！Yeah！

 

放大假part3~~Ocean Park

8月8日(星期一)

呢個禮拜標標舅父舅母都放假，所以我哋就約埋一齊去Ocean Park喇。。。。講番起去海洋公園前大家都有啲驚，因為前一日好似話成35度，真係曬到阿媽都唔認得。點知呢日出奇地冇太陽，仲間唔中有啲涼風添，認真係天公造美；再話說去完海洋公園既第二日，就全日都落勁大雨。。。我哋真係好彩，揀啱時候去～～

年幾冇黎Ocean Park，原來連個正門都唔同咗。。。

一入場就有個巨型既音樂噴水池，都幾令人耳目一新！

皓皓＆軒軒表哥＆心心表姐。。。。

每隔一段時間就有音樂噴泉睇。。。。

＠新開既水族館～～

感覺上反而冇咗以前咁多魚睇～～

＠精品店～～

皓皓本來唔肯戴呢啲帽影相，媽咪話戴咗好似紅戰士

同埋銀戰士，佢先至肯戴，仲話要搵埋金戰士，

不過搵勻成間鋪，都冇金色帽喎。。。

望到吊响半空既纜車，再同佢講話陣間會坐上去。。。。

面露驚恐既神色。。。。

兩老表研究啲嘜？？咁開心既。。。。

皓皓話要寫字，結果响每個空格都畫咗粒豆豉，笑死！

玩完搖控船再玩搖控車，玩得好happy～～

玩射水，啲水反彈落塊面度，玩到we wa鬼叫～～

心心表姐畫炎神戰士個頭，皓皓又話自己識畫，結果。。。。

又係畫啲豆豉出黎～～

@兒童王國～～

上年都未敢自己上去，今年就ok喇～～

坐纜車喇。。。。架車未fing出去，仲未識驚。。。。

一出到去，其實已經面色都變晒，只係強裝鎮定。。。。

當媽咪提出話抱住佢既時候，皓皓即刻撲過黎。。

不過坐完之後，佢又同媽咪講話自己唔驚囉喎～～

過到呢邊全部都係機動遊戲，其實都唔啱玩～～

連最想玩既激流都因為軒軒表哥未夠規定高度，加上都幾多人排，

所以大家都放棄咗。。。。

都冇所謂啦，志在逛吓，叫做行勻晒個Ocean Park啦～～

睇街頭表演睇到入晒神。。。

水珠向上流。。。。見咁多人影，又湊吓熱鬧影番張～～

行埋水母館都六點，標標舅父話見到媽咪post响facebook啲相，

知道我哋成日去食一間泰國菜，好似幾正咁。。。。

於是我哋一行八人，就落呢間西營盤既泰國菜食埋晚飯至散band。。。

呢日真係玩得夠晒盡興喇～～