8月4日(星期四)－8月7日(星期日)
繼續紀錄媽咪放大假同皓皓既生活先～～
8月4號，約咗九龍灣既同事响德福食飯，順便帶皓皓見吓班哥哥姐姐～
飲茶之前，先同皓皓坐佢好掛住既跑車～～
跟住去冒險樂園玩。。。。
而家每次去冒險樂園一定要碌保齡，原本都冇嘜問題，之但係。。。
衰在皓皓有個壞習慣，就係佢要所有機玩勻！
換言之，即係有三部碌ling機，佢就要玩三次！
碌完ling又例牌坐車車～～
未試過玩呢款Thomas車，突然之間會360度轉，呆咗！
坐咗一陣個樣先至從容番～～
又坐坦克車～～
媽咪覺得呢部JR最過癮～～
真係成個控制室咁，有好多掣架。。。
出黎又玩埋架消防車，皓皓真係越黎越似'車痴'。。。。
頭先玩拋彩虹，皓皓中咗個綠獎，贏咗架法蘭高斯車車，
呢。。。擺响呔盤度嗰架，見唔見呀？
行Piago，有張炎神戰隊poster，皓皓即刻走埋去影相～～
8月6號，淨係落商場同出香港仔買禮物俾軒軒表哥仔。。。
見好耐冇食過麥當當，就俾佢食少少薯條啦～～
勁開心，有得點茄醬。。。。
8月7號星期日係軒軒表哥仔六歲bd party，嘩！勁多嘢食！
而家經常要求帶埋玩具出街，呢日佢帶咗４個戰士黎婆婆屋企～～
仲話佢哋要瞓覺添！
皓皓，咁樣唔係瞓覺，係人疊人呀！
送俾軒軒表哥仔既其中一份禮物～～
就係表哥勁勁勁鍾意既。。。angry bird！
廿個人迫响婆婆間屋度，好熱鬧呀！
曳豬未食嘢就要求飲檸檬茶～～
開餐～～～
同兩個表姐ko咗成盒肉醬意粉。。。。
切蛋糕啦。。。。軒軒表哥仔９月升小學喇，大個仔喇！
洛洛表哥攞皓皓既炎神戰士玩，整到啲戰士好似玩體操咁，攪笑！
不期然諗起洛洛表哥細個嗰陣，鍾意超人迪加鍾意到癲，
每個禮拜都扭媽咪買超人玩具俾佢，而家。。。。
皓皓就好似佢既翻版咁～～
沒有留言:
張貼留言