端午節嗰日，我哋去咗Face Studio影家庭照，今次係阿b第二次去studio影相，雖然阿b冇好似第一次咁著住唔同既造型服影張，但係出黎既效果都好ok，結果爸爸媽咪由原定計劃只係要25張相，最後把持不定要晒百幾張，喪癲！
第一個場景～～好色彩繽紛。。
阿b未warm up，有啲扭計～～
到啲姐姐出動五顏六色既波波引佢玩，
佢先至開始投入。。。
第二個場景～～
插褲袋，型唔型仔？
响幾本書既襯托下，阿b都幾有書卷味喎！
第三個場景～～
騎羊羊。。
第四個場景～～
搖滾band房。。
不過呢個bb一啲都唔搖滾，斯斯文文咁。。。
仲有啲怕醜添。。。
第五個場景～～
bear bear 睡床。。
同幾個影相既姐姐玩到好興奮！
第六個場景～～畫黑板。。
好鍾意呢張，好可愛！
心心表姐都一齊影咗幾張。。。
最後一個場景～～
查實係嘜嘢背景都冇，只係用黎影全家福。
不過到呢個moment至係阿b全情投入既時段，
所以影到好多阿b趣緻，古靈精怪既表情。
呢張至攪笑。。。
俾姐姐整蠱，將個波波收埋入件衫度。。
出年阿b三歲，媽咪打算俾阿b影多輯造型照
六月十六日(星期三)
今日係我哋book咗去studio影相既日子，所以爸爸一早就攞咗假。Studio响銅鑼灣，咁啱媽咪又睇到人哋放上facebook既相，知道TS嗰度宣傳緊toy story，啲三眼仔好壯觀吓咁喎，咁就一於順便去影影相啦。。。。
一睇個格局，就知道我哋又係食日本嘢啦。。。
邊間？之唔係爸爸媽咪既'飛佛'～～
壽司廣囉！
今次俾間榻榻米房我哋，坐得好舒服呀，
仲有個大窗台俾我睇風景添！
有嘢食喇，媽咪你快啲夾俾我啦。。。
話過俾大家知，我係超鍾意食壽司～～飯架！
冇錯，係齋飯走料，唔該！
嘩，正！我今日仲未有米落肚。。。
阿b：媽咪，仲要！
咀上面嗰粒唔使同我抺，我留番今晚宵夜。
爸爸媽咪既指定壽司set，yummy！
爸爸媽咪，其實你哋嗌咁多做嘜啫？？
我淨係要下面舊飯之嘛。。。。
阿b鍾意飲奶茶，似足爸爸。。。
食飽飽，上studio影相。。。。
未影之前，玩吓玩具熱吓身先。。。。
影完相行過去TS，果然～～
離遠已經見到隻超巨型既巴斯。
唉，阿b咁矮，巴斯咁高，好難就位。。。
阿b明明都幾鍾意巴斯，但係擺佢埋去竟然喊～～
鬼咩！以阿b既角度，
根本橫睇掂睇都唔會見到巴斯個樣。。
最後唯有抱起阿b影。。。
另一邊廂，有好多好多隻三眼仔呀，
超壯觀，仲好鬼得意。。
好cute既一張相。。。
阿b對腳遮咗阿主角兩隻眼，失策！
阿b＆心心表姐～～
阿b：點解你個咀咀又闊又扁既？？
同阿b唯一既合照，因為影完呢張相，
阿b就扭眼瞓唔肯再影喇！
緊係頭先响studio用晒所有精力啦，
最後唯有連Woody都冇影都走咗lu。
