左鄰右里

唔知道平時嫲嫲湊皓皓係咪成日帶佢落街既呢？媽咪發覺我哋住既呢幢大廈裏面都幾多人認得皓皓；尋日媽咪同皓皓出街，就有個洋人話經常見到皓皓云云，而之前亦撞過好幾次媽咪完全未見過既人話認得皓皓，莫非阿b日日响樓下大堂打躉？以致咁多人識得佢？

住唔同層數既人都識皓皓，住同層既更加唔駛講啦！而呢一班左鄰右里待人又好熱情，就如住對面既婆婆，周不時買嘢請皓皓食，新年又專登過黎俾利是皓皓；而另外一位姨姨，媽咪幾乎每個禮拜返工都撞到佢幾次，每次佢都對阿b讚不絕口，尋日佢响屋企焗蛋糕，竟然專登捧兩底熱辣辣既蛋糕過黎送俾我哋，攪到媽咪唔好意思之餘，仲有少少感動。講真，而家有幾多隔離鄰舍會咁？見到面打個招呼都算係咁啦！

呢兩盒就係住隔離個姨姨送俾我哋既蛋糕。。。

皓皓猛咁索，然後話'好香、好香'！

媽咪同皓皓講話好熱，叫佢唔好掂，

點知佢教而不善，係要偷偷地摸，結果。。。

面容扭曲。。。

縮手。。。

頻呼'好熱、好熱'。。。。

不過隔唔夠幾秒，佢又蠢蠢欲動，

想偷蛋糕上面既提子乾食

太耐冇打blog，post番呢個幾禮拜既生活照先。。。。

某個媽咪放假既日子，同皓皓落商場食早餐，

皓皓見到m記logo就眼睛發亮～～

示意媽咪睇佢個拳頭仔。。。。

究竟拳頭上面有啲嘜？

原來係個米奇頭既貼紙～～

Qoo係皓皓bb其中一種'飛佛'飲品。。。

另一個媽咪放假既朝頭早，嗌咗m記早餐速遞上門，

皓皓見到爸爸杯奶茶，超興奮！

爸爸一放低杯奶茶，皓皓就'翁'個鼻埋去喪聞。。。

同皓皓响巴士站等車出婆婆屋企。。。

等等吓覺得悶，自己响度喪跳，

又自顧自咁猛講'jump,jump,jump'，好好笑。

去到婆婆屋企，緊係唔少得攞軒軒表哥既戰車坐。。。

都識操控架車架，算係咁啦！

玩電腦～～

不過皓皓你似玩自己對腳多啲喎。。。。

跟住呢啲係啱啱尋日影既～～

而家要自己'咩'背囊，大個仔喇！

坐車仔～～例牌指定動作。。。

用摩打手轉動個呔盤。。。

跑，跑，跑～～～

jump, jump, jump～～

點解手指指＆唸唸有詞？媽咪唔記得咗添！

好喇，要勤力啲打blog至得！