皓皓4歲生日快樂！

3月30日(星期五)

今日唔追blog住喇～～～因為今日係寶貝仔皓皓既４歲生日！今年本應想同皓皓响麥當當開生日會，諗住可以請埋啲同學仔黎玩，又可以互相認識吓．．．．．點知，怕醜仔皓皓一聽到話請同學仔黎，同埋會一齊玩遊戲，就即刻耍手擰頭；既然佢唔想，媽咪都唔想迫佢喇！上星期，我哋响婆婆屋企幫皓皓開咗個小型生日會，今日正日就再同佢慶祝～～

俾住相大家睇先啦，遲啲先補寫番文字！

生日快樂，皓皓！
願健康、快樂、平安永遠伴隨著你！




皓皓唔肯去麥當當開party，所以响25號(星期日)，爸爸媽咪幫皓皓响婆婆屋企開個小型生日會。

嗌咗好多嘢食，有pizza，家鄉雞，sushi，燒味。。。。。
舅父舅母仲買咗好多煎釀三寶，好好味～～

皓皓收到好多禮物～～

切蛋糕吹蠟燭喇。。。。

好可愛既angry bird蛋糕～～

 

點解軒軒表哥仲high過壽星仔既呢？haha～～

即拆兩份禮物玩，右手邊既係標標舅父舅母送既喜羊羊，砌完出黎好靚；
左手邊係波波舅父舅母送既咪stand；
仲有芬姨呀，表姐呀，爸爸媽咪送既禮物，皓皓你真係大豐收呀～～

皓皓既４歲生日！（待續）

新春篇part3~~再訪錦田俱樂部+快快樂樂過人日

1月27日(星期五)

年初四悶咗成日，到年初五，又係出動既時候喇！呢日我哋約咗芬姨、表姐佢哋去錦田俱樂部摘士多啤梨。對上一次黎已經係好耐之前，媽咪記得嗰次皓皓玩得好開心，所以今次專登選擇呢個地方再玩多次～～～

一入黎就係踩車騎馬仔既地方，皓皓超興奮．．．．．

 

皓皓渣車，表姐騎馬．．．．皓皓不斷响個場度玩飄移～～

玩完紅色車轉玩粉紅色車，仲大聲話自己鍾意'pink'色～～～

此行最主要目的：摘士多啤梨～～

爸爸負責搵大粒啲靚啲既士多啤梨，皓皓就負責剪～～～

心心表姐同詩詩表姐都响後面努力緊呀．．．．．唔知成績如何呢？

 

雖然1月份士多啤朵當造，但由於多人黎摘，所以又大又靚既士多啤梨真係比較難搵．．．．．

兩仔爺好有耐性咁慢慢搜尋．．．．．

yea～～～摘完喇！影番幅全家幅先！

 

排隊磅重俾錢．．．．．

哈哈．．．．三老表加埋原來都摘咗一大盒喎～～～

另一邊仲有得摘蕃茄～～

 

蕃茄好新鮮呀！可惜爸爸媽咪都唔鍾意食．．．．

摘完水果，去草地玩＆喪跑～～

 

唔少得玩吓bubble～～

黎到充氣彈床，皓皓原本話唔玩．．．．
不過見表姐玩得咁開心，最終都係忍受唔住入咗去．．．．

初初表現得好斯文．．．．

去到後段．．．．喪咗！

high到爆，又跳又撲．．．．

三老表玩到唔願走咁滯．．．．

喪玩完一輪，大家都見肚餓，就走去食個丁丁麵～～
食完繼續玩，今次玩啲靜態啲既～～撈金魚！
皓皓個網一落水就穿，你哋睇吓佢個樣，幾愁！！

 

用網撈唔到，決定用茅招～～用個兜黎撈！

都撈唔到，索性要爸爸撈完擺落佢個兜度～～

最後衝刺～～又踩車！
不過今次呢款係電動車，唔駛自己踩～～

皓皓學人哋渣電單車咁，成架車片低側埋一邊咁急掟彎，差啲炒車，好彩！

玩到差唔多六點，就等小巴出錦上路再轉西鐵番屋企～～
呢日玩得真係開心！


1月29日(星期日)

呢日係人日，放埋呢日假媽咪就要番工lu！唉！咁快就放完新年假，真係冇晒心機！
呢日爸爸要番工，所以媽咪只係帶皓皓去婆婆度同表哥表姐玩就算喇！

出到九龍時間尚早，去Elements個公園玩一陣～～

心心表姐好乖，又幫媽咪手照顧皓皓～～

今次皓皓終於敢'sir'呢條比較高既滑梯。。。。

 

同軒軒表哥越黎越friend～～

玩咗差唔多一粒鐘都走喇～～

跟住又拉大隊過奧海城食乳酪。。。。

呢日係人日，人人生日，買個angry bird蛋糕番去慶祝吓先～～

kiss kiss angry bird～～

媽咪話呢日係所有人生日，叫佢哋幾個唱生日歌俾自己聽。。。。。
佢哋好似當媽咪講笑咁，一路唱一路掛住笑～～

軒軒表哥仔扮angry bird～～

皓皓覺得好得意，想學表哥咁將個鳥咀放响塊面度，攪笑！

新年假完結，媽咪又要收拾心情番工lu！
總括黎講，呢個新年假都過得好充實，皓皓玩得好開心架呢！