PaPa,Happy Birthday～～

１月８日（星期日）

Ha。。。。終於寫完2011年喇～～踏入2012年，第一件大事就係爸爸既生日喇！爸爸諗唔到要嘜嘢生日禮物，咁橫豎新年就到，係咪都要買衫，所以媽咪就送咗兩件褸俾爸爸。其實呢兩件褸爸爸一早睇中咗，仲好鍾意添；不過之前佢嫌正價太貴，而家做減價先至俾媽咪買黎送俾佢。至於皓皓呢。。。。。

就送一首生日歌加錫錫。。。。爸爸已經冧爆啦～～
好！講番正日當日，其實都冇嘜嘢特別節目，只係出街食吓飯，周圍行吓咁囉。。。。



晏晝先去食爸爸媽咪皓皓都鍾意既sushi～～



食完sushi就諗住响尖沙咀行街。。。。。

呢日係網民呼籲既圍影D&G日，我哋點幾行過嗰陣，條廣東道已經迫到水洩不通。。。

行海港城反斗城，見到隻超大angry bird，好得意，不過重到皓皓都抱唔郁。。。。。
行到五點幾，我哋就離開尖沙咀，搭車入鯉魚門食海鮮喇～～

今次除咗食至愛既象拔蚌刺身同埋花竹蝦刺身，仲嗌咗比較少食既蒸蟹。。。。。

皓皓全部海鮮都唔食，只食象拔蚌煲粥。。。。。

通常個粥都係最後至上，所以皓皓只係齋望住爸爸媽咪食。。。。。
呀。。。。仲有一樣嘢係佢食既，就係生菜喇，配埋啲蠔汁，佢都幾like～～～

咁早食晚飯，因為想早少少番屋企切蛋糕。。。。。

 

唱完生日歌，皓皓老實不客氣就吹蠟燭。。。。。
無論邊個生日，佢都當正自己係主角，haha～～

同場加映～～

聖誕節前，有１日冇嘢做，無無聊聊走咗去西九踩單車～～

例牌踩到盡頭，皓皓就會落車坐吓隻搖搖木馬～～



去到中間既位置又打吓韆鞦。。。。。
不過細膽豬仔皓到而家都唔係太敢fing得好高～～

12月30號，出銅鑼灣行街街。。。。。

＠皇室堡～～～

皓皓不斷催促媽咪影快啲，因為。。。。佢心急要去冒險樂園同埋反斗城～～

1月2號，媽咪既聖誕假last day，同皓皓去咗東角間板長食～～

跟住去世貿既發記食甜品，不過超多人，所以買外賣～～

1月6號，幼稚園fashion show，好彩之前買落咗啲新衫新褲～～

1月7號，成班人入屯門三聖邨食海鮮同爸爸慶祝生日～～
皓皓又可以同哈哈哥哥玩喇～～
你睇吓佢哋幾friend～～～

爸爸生日(8號)正日食海鮮，呢日又係食海鮮，真係食唔厭～～



食完海鮮，成班人殺落九龍城食甜品，媽咪食呢個心太軟，好味～～

 

最後俾張相大家笑吓～～～～～
話說有日嫲嫲煲咗蓮藕湯飲，皓皓見到啲蓮藕，就問：
嫲嫲，你食骷髏骨牙？？？
hahah。。。。嘜蓮藕似骷髏骨咩？？不過。。。。。睇睇吓，又有少少似喎～～～～