新春篇part1~~喜羊羊迎龍年+初一合家歡

1月22日(星期日)

今年新年無年卅晚，所以呢日年廿九就係年晚喇～～每年年晚媽咪都去婆婆度食湯圓，今年都唔例外。婆婆煮既湯圓，實在太好食喇，媽咪食咗４碗，誇張？無計啦，邊個叫婆婆一年只係煮一次湯圓咁大把咩！

今年年晚爸爸都放假，不過佢一啲都唔鍾意食湯圓，所以等媽咪滿足完自己既食慾後，就陪爸爸出去食嘢，順便帶皓皓去朗豪坊影佢近期既至愛之一～～～喜羊羊～～～

其實皓皓都幾女仔架，佢一見到粉紅色美羊羊，隻眼就好似發光咁撲埋去～～～
哎吔，影唔到後面條龍添～～

見到主角喜羊羊喇。。。。

媽咪覺得個樣最可愛既暖羊羊～～

呢隻似皓皓呀！懶羊羊。。。。哈哈，皓皓做嘜都好似慢條斯理咁，似懶羊羊呀！

最樣衰衰既沸羊羊～～



灰太狼一家～～～
其實諗諗吓都幾好笑，因為皓皓突然抽起條筋鍾意喜羊羊，攪到媽咪都投其所好，背晒書裏面既人物，haha！


1月23日(星期一)

大年初一，又係例牌先去同嫲嫲拜年，然後就去婆婆屋企。年初一婆婆通常都會叫個盤菜番黎，一家人圍响張枱度食。媽咪屋企係大家庭，廿幾人迫晒响個廳度，一人一句都嘈到拆天，不過真係好熱鬧好開心～～

食完飯，個個排晒櫈仔做嘜東東？？

就係每一年都做既指定動作～～公公婆婆啲孫仔孫女影大合照。。。。

係咪陣容鼎盛呢？一隊足球隊都夠呀，哈哈～～～

咁多人真係好難影，啲細個既又唔聽話，影廿幾張先至得三幾張係全世界都望鏡頭既。。。。

跟住又逐個family咁影，好混亂又好好笑！

雖然人人都話新年氣氛已經大不如前，不過媽咪仍然係最愛新年～～
希望龍年大家都事事如意啦～～～