新blog搬至。。。。

趁仲可以更新，留低個地步畀大家先：

http://hohobb.blogspot.hk/

暑假樂逍遙~~馬交遊part 2

7月11日(星期四)

响龍環萄韻逛完影完相，我哋就搭的士過大潭山公園，玩一樣我哋從來未試過既玩意，就係。。。。滑草喇～～

其實都驚細膽豬皓皓敢唔敢玩架，不過諗住心心表姐肯定好like，所以都試一試啦～～

滑草場兩點半先開，我哋早咗少少到～～

個人造草地仲灑緊水～～



第一次坐，唔知快唔快，又唔知皓皓驚唔驚。。。。

所以叫爸爸傍住。。。。
咦？？好興奮咁喎。。。。

第二次，皓皓話可以自己坐，真唔真呀？

心心表姐陪佢一齊sir，壯吓膽～～

順利sir到落底，冇失控，冇嚇呆，yeah～～

幾好玩既一個玩意。。。
可惜要自己拉番個兜上去，超攰呀～～

加上烈日當空。。。。

所以玩咗七次八次左右，我哋就撇喇～～

打的番酒店歇一歇先～～
環境唔錯，仲有個廳添～～

坐晒响窗台，搞嘜鬼？

之後落商場行吓。。。。

諗住過去影張相，點知。。。。
佢哋失驚無神一齊秤起皓皓～～ 

皓皓係曼聯粉絲，當然要帶佢去專門店朝吓聖啦～～

上層仲用遊戲玩，畀皓皓show吓腳法添～～

玩完後又買咗啲紀念品，然後就走喇～～

行行吓，見到有人變魔術。。。。

魔術師夾硬拉咗兩老表一齊玩，
搞到兩老表好鬼興奮～～

我哋買既套票包埋既。。。。貢多拉船～

正牌既意大利威尼斯貢多拉就未有機會坐。。。。
坐住澳門呢隻先啦，haha～～～

成程船，呢位船夫又唱歌又搞吓笑咁，
氣氛都唔錯架～～

未坐過，都值得坐吓既。。。。
搖吓搖吓咁圍住酒店行一圈，幾爽～

坐完船仔回完氣，又去放電喇～～

邊度？咪係威尼斯入面既Q立方囉～～
有遊戲機，足球機，氣墊球玩。。。

不過最大賣點，係呢度個大繩網區域。。。
仲有幾條超激滑梯～～

其中有兩條係垂直既，差唔多成90度角，
兩老表都唔夠膽玩。。。。
結果剩係專攻呢條～～超長滑梯～～
心心表姐話條滑梯又長又快，好爽咁話喎～

玩完Q立方已經夜喇，係時候去醫肚～～
以前爸爸媽咪嚟澳門，除咗必食誠昌水蟹粥，仲有。。。
陶陶居既雞燉翅，正到不得了。。。。

食完，行經莫義記，忍唔住又買～～

哈哈，真係好癲，晏晝食咗成三百蚊甜品，
夜晚又再食過。。。
不過，咁樣先似旅行架嘛，係咪？


馬交遊Day 1完
 

 


 

 

   

 

 

暑假樂逍遙~~馬交遊part 1

終於的起心肝响新地盤開始寫番blog喇～～

 

仲有成個暑假未寫，有排追呀，唉。。。。

  

7月11日(星期四)

  

自從皓皓一歲多啲開始，我哋每年都會去一次暑假旅行。

不過今年七月，媽咪比較難攞大假，加上5月先去完大阪，所以今年暑假我哋冇得飛lu。。。不過11同12號，媽咪勉強偷到兩日假，所以近近哋，過大海算喇～

 





爸爸媽咪以前過大海都過得幾密，
記得駝住皓皓嗰陣都忍唔住要去，

响架船度拋吓拋吓，其實諗番真係有啲牙煙，haha～～

不過自從皓皓出世後，我哋好耐冇去喇～～

所以今次過去，都有少少興奮。。。。





 

 

 

 



爸爸媽咪由威尼斯人開業嗰年已經話要去住吓，
點知講吓講吓，講到而家先去到。。。

放低行裝，即走去官也街搵食～～




澳門周圍都係呢啲設施，皓皓同心心表姐都好鍾意玩～

玩到唔捨得走添～




食lunch前，先去食我哋既至愛之一～～莫義記～～

爸爸媽咪每次嚟都會幫襯。。。。

佢哋啲木糠布甸同大菜糕，真係食到停唔到口。。。

我哋5個人，淨係响度食飯前甜品都食咗成三舊水，喪～ 







食完甜品，差不多12點，咋咋林行過誠昌食lunch，

因為晏少少，就可能要排好耐至有得食～～

媽咪超鍾意食呢度既水蟹粥呀，yummmy～～

雖然爸爸媽咪都覺得佢哋既水準冇咗以前咁好，

不過餓咗咁耐冇得食，所以仍然食得好滿足～～

食飽飽，去龍環匍韻嗰邊逛吓～
呢日都幾熱，所以行到民事登記局，即刻鼠入去嘆陣冷氣～



又有呢類設施喇，兩老表又話要玩～～





皓皓玩到癲晒～～





行到龍環葡韻喇，風景幾靚～～



响呢度可以遠眺對岸威尼斯人，Hard Rock等等既酒店～～



所謂「龍環」，其實係氹仔舊稱；

「葡韻」，係指呢度葡萄牙既建築風格～～



呢度有五幢綠色既葡萄牙式住宅，其中三幢改建為博物館，

分別係土生葡人之家、海島之家、葡萄牙地區之家～～



入場費5蚊，咁平，我哋就入去睇吓啦～～

 

從博物館入面既家俱，擺設，展品等等，

可以一窺時响澳門土生葡人的生活狀況～～

睇吓。。。。。連個廁所都咁大既。。。。



好別緻既一座琴～～



 



龍環葡韻一帶仲有啲小花園～～

 



 

我哋周圍影吓相～～



好多好靚既荷花～～



行到點幾兩點，我哋就出發去下一個景點～～



 

 

 

 

 

 

 

 

 

 

 

 

 

 

 

 

 

 

 

 

 

 

 

 

 馬交遊Day 1待續