呢排媽咪忙到飛起呀,因為趕住做埋公司啲手尾然後放大假,番到屋企已經攰到成身散晒,仲要湊我皓皓bb....好似今日(過咗12點,應該係尋日至啱)就開咗一個4個鐘既奪命長會,真係人都顛!想瞓覺,但係諗起我個迪士尼奇妙之旅既下集仲未出喎,今日唔打,幾時打?於是乎响呢個夜闌人靜、皓皓bb同皓皓爸爸都瞓咗覺既時候-------開工!
6月24日(星期三)
起身之後,我哋先去米奇廚師餐廳食自助早餐。
今日入樂園玩,肯定要用好多精力,一於食個夠本先!
媽咪叫爸爸影吓美國小鎮大街....
媽咪問 : 咁樣影過黎o唔ok呀啲景?
爸爸答(100%肯定) : ok呀!
影完之後,爸爸話 : 嗱!你自己睇吓喇!
媽咪一睇,真係無話可說!
完完全全係影緊美國小鎮大街....個垃圾桶
先入去鋪頭幫心心表姐揀頂帽,順便嘆吓冷氣!
爸爸媽咪又要我試頭箍....
試還試,唔好越黎越過份呃....
粉紅色、有晒薄紗既都擺上人哋個頭度....
好煩呀你哋!又黎另一頂....
你哋玩完未呀?夠喇!
(阿b開始真係發脾氣,亦係我哋收手之時。)
靄婷表姐冇黎酒店瞓,不過呢日就join埋我哋入樂園玩。
好多地方都見到stitch既蹤影....
不過呢個好似求其咗啲喎!
心心表姐、靄婷表姐,呢張相既企位好唔掂呀!攪到我好似路人甲咁!
玩巴斯光年星際歷險 ~ ~ 開頭冇嘜嘢,玩玩吓開始有啲驚。
緊係啦!裏面又黑又嘈,我哋架車又好似失控咁轉黎轉去!
(實情架車係由爸爸控制既....)
阿b見到成堆扭蛋,好好好開心!
仲想踩上啲扭蛋度....
唯有嗱嗱淋抱走佢....
又見到史迪仔喇!
當阿b遇上巴斯....
竟然二話不說,胸襲巴斯!
一路望住心心表姐玩水,一路食提子,好嘆!
好浮誇既嘆提子食相....
玩旋轉木馬~ ~ 睇住啲馬仔趷上趷落,好開心!
點解阿b坐馬車而唔坐馬仔?事關上次响海洋公園玩....
當木馬開始轉既時候,阿b喊到拆天要落馬....
結果媽咪抱住阿b企响度玩咗全程....
成個傻婆咁!
阿b唔鍾意坐,但係好鍾意望住啲馬仔上上落落喎!
第4個'奇妙'出現 ~ ~
我哋諗住去玩小小世界,行行吓,阿b冇晒聲氣....
原來佢攰到伏响架bb車柄度瞓著咗!
平時氹好耐佢都唔肯瞓....好可愛!
阿b瞓醒,啱啱好睇巡遊。
阿b見到啲咁colourful既人同公仔,非常好奇!
但係又有啲驚....
因為個巡遊全程射水,攪到個個we wa鬼叫!
阿b越黎越愛玩 ~ ~ 吹泡泡!
臨走嗰陣,阿b扭計要媽咪抱。
兩日一夜既旅程就咁完咗喇,雖然呢兩日天氣好熱、阿b又成日扭抱,都幾辛苦,但係都好開心既!美中不足係,第1日爸爸記錯時間睇唔到煙花、我哋冇校啱時間睇唔到史迪仔反轉大街騷、諗住阿b最鍾意既小熊維尼維修緊、玩小小世界嗰陣阿b瞓著咗....
而呢個旅程最'奇妙'既,就係媽咪俾蚊狂咬,保守估計,有40幾粒蚊難,蔚為奇觀,核突到爆!咁'奇'在哪裏?奇就奇在一行5人,淨係得媽咪1個俾蚊狂咬,唔通媽咪個身裝咗跟蹤器?咁'妙'在哪裏?妙就妙在媽咪1個頂晒,令阿b免遭衰蚊既毒口,成身1粒蚊難都冇!yeah!!