媽咪把口成日話,爸爸作為一個爸爸,最多只係值60分....
其實媽咪心裏面唔係真係咁諗....
一個以前好鍾意玩既大細路,而家為咗湊我皓皓bb,好多時都寧願推咗啲約會留响屋企....
以前嘜都唔識既佢,自從我皓皓bb出世之後,佢突然之間識抱bb、識餵奶、識換屎片....
以前晚晚瞓到好似死豬既佢而家會半夜起身睇吓我皓皓bb有冇仆被....
以前見親鍾意啲嘢都會唔理三七廿一都要買既佢,而家雖然都會買,不過就成日話會為咗我皓皓bb努力做嘢、儲錢,希望俾最好既嘢我....
所以爸爸,你响我心目中係值99分架!點解唔係100分?因為....
留番1分既進步空間俾你呃嘛,知冇,米飯班主?
爸爸你咁錫我皓皓bb,响一年一度既papa's day,我點都要有啲表示既....
6月20日(父親節前夕)
今日我哋出街食飯提早慶祝....
呢度既侍應姐姐好熱情,除咗撩我玩,仲盛意拳拳咁要幫我哋影全家福....
點解爸爸要戴黑超?因為爸爸矇咗眼....
爸爸,影緊相呀!無端端做嘜要人哋飲水?
食完飯行一陣supermarket....
順便攞咗張免費既father's day card 送俾爸爸....
孤寒?hey!我同爸爸講心唔講金既!
嘩!心形西瓜!超攪笑(竟然建議人哋觀賞用,仲要寫錯字) & 超貴
爸爸,送俾你!西瓜代表我的心....
6月21日(父親節)
爸爸,今日送俾你既第三份禮物....
衫上面啲字 ~ ~ My DAD is my HERO!
第一份同第二份禮物?
吓!咁都要問!第一份係張免費卡 ,第二份咪係....
個心形西瓜....幅張囉!
今日唔止我要向爸爸表示自己既心意....
軒軒表哥仔都話要呀!(係呀!媽咪送咗件一式一樣既俾表哥呀!)
軒軒表哥仔最鍾意既Thomas 車車!
軒軒表哥仔算係咁架喇!肯割愛借住架車仔我玩吓....
不過我玩咁耐佢驚足咁耐囉-----驚我整爛呃嘛!
好喇!今年父親節最後一份禮物出埸喇。
爸爸每日番工都要掛响心口,正如佢日日都掛住我皓皓bb
同場加映 ~ ~阿b扮擔住牙籤既麻甩佬
啲動作同埋神態都似到十足十,問你死未?
哈哈爸昏左永遠係唔會起身睇個仔... 咩都係哈哈媽搞...DYING!!!!!
回覆刪除由哈哈出世到而家...佢半夜喊同叫, 第2日問佢,佢會話..係咩..我聽唔到..
[版主回覆06/28/2009 02:40:00]可能佢就係知道哈哈媽自己一個搞得掂 , 所以咪咁安樂咁瞓囉.........