6月24日係爸爸媽咪既2周年結婚紀念日，我哋一家人响23號入咗Disneyland Hollywood Hotel住一晚。雖然爸爸媽咪入過Disneyland幾次，不過住呢，就係第1次，加上我皓皓bb未去過，所以媽咪一早已經計劃去架喇！
唔講住，俾張相大家睇吓先．．．．
呢張係呢個旅程中爸爸媽咪最鍾意既相。。。哈哈！估都估唔到，佢哋最鍾意既相竟然唔係同米奇呀、米妮呀，或者係响樂園裏面影既相，而係响酒店裏面影既浴袍照．．．．
好！繼續講，此行除咗我哋一家人，仲有芬姨同心心表姐！爸爸媽咪好錫心心表姐架，之前幾次入Disneyland都有心心表姐份，今次又點可以唔預埋佢？不過媽咪諗番轉頭，真係覺得時光飛逝呀！第1次同心心表姐入Disneyland，佢仲讀緊幼稚園，而家．．．．
已經亭亭玉立！仲識得照顧我添！
好喇！唔再講！即刻帶埋大家進入我哋呢次 '奇妙' 既旅程啦 ~ ~
6月23日(星期二)
等迪士尼列車，無無聊聊，影張相先！
第1個 '奇妙' 出現喇！咁多個港鐵站，阿b竟然眼甘甘望住迪士尼站！
阿b，同高飛影張相啦！
阿b : 有嘜好影？都唔識郁既！
咁呢隻肯影喇啩！
阿b : 咁呢隻就似番啲樣！
check咗 in上到酒店房，就有第2個 '奇妙' 出現 ~ ~ 竟然有咁多禮物送！都算係一個意外既驚喜！
開頭仲諗住阿b會驚一啲陌生既環境．．．．
殊不知佢竟然表現亢奮，周圍爬！
唔！呢罐係咩黎架？
睇個樣好似食得咁喎！
唔該！邊個做吓好心幫我開罐呀？
我哋間房望出去既景！咦？點解唔住煙花景既房呀，媽咪？
阿b，下次用你啲利是錢去住，好冇？
註 : 影相技術奇佳既芬姨竟然影埋媽咪好似隻烏龜咁縮响下面扶住阿b，真攞命！
出去周圍行吓之前，影張全家福先！
呢度係酒店下面既大草地，不過因為落完雨，心心表姐冇得走入去喪跑。
有冇留意到第3個 '奇妙' 呀 ~ ~ 阿b肯坐bb車呀！
好感動呀！阿b冇坐bb車好耐喇．．．．
呢架古董車．．．．
拍馬都追唔上我呢架私家車啦，呵呵呵．．．．
跟住我哋去咗另外一間酒店，因為我哋今晚會响呢度食buffet。
註 : 頭先响Hollywood門口，啲職員知道我哋要過呢邊間酒店，就即刻開架專車車我哋過黎，真係估唔到啲service咁好喎！
阿b做嘜事望到眼都唔眨？
事關間shop既男sale企响門口不斷同阿b揮手，後尾仲攞架米奇搖控車出黎引阿b。
就係咁，架車繞住阿b係咁轉黎轉去，而阿b既視線就不斷追蹤住架車．．．．
入到shop，心心表姐睇中呢頂公主帽連粉紅超，可惜冇中童 size。
咁我扮住女仔先啦，幫心心表姐試帽．．．．
喂！攪錯呀你哋！我話試帽咋，冇話試米妮頭箍喎！
阿b對住塊全身鏡，表現得好雀躍！
除咗迷宮花園，我諗呢舊心形草都算係呢間酒店既景點。
特登黎呢邊食buffet，係貪呢邊有得同disney人物影相．．．．
以為阿b會驚，點知．．．．我諗跳跳虎驚番佢囉！阿b係咁搣佢個鼻．．．．
拍佢塊面．．．．
等到米奇過黎，阿b開始眼瞓，所以冇嘜反應。
唉！嘥晒米奇啲咁專業既post呀！
影全家福又唔肯望鏡頭．．．．
一係就俾隻杯遮咗塊面．．．．
卒之未等到米妮過黎就瞓著咗，唯有心心表姐自己影啦！
食完buffet步出餐廳，阿b就醒喇！
原本諗住過樂園睇放煙花，點知．．．．爸爸記錯時間．．．．
唯有番酒店早啲抖，聽日繼續玩．．．．
~待續~
沒有留言:
張貼留言