上星期六(5月30日)，爸爸放假 ~~~
朝頭早，爸爸竟然肯湊住6點鐘已經起咗身既我而俾媽咪瞓覺．．．．
媽咪簡直覺得皇恩大赦，結果一瞓瞓到12點(媽咪話真係好耐冇試過喇)，結果連粥仔都煲唔切俾我食．．
一起身，就咋咋林刷牙洗面、同我皓皓bb沖涼，跟住就飛車出尖沙咀．．．．點解咁急？
因為爸爸媽咪book咗1點鐘去佢哋至'飛佛'既日本料理度食lunch囉！媽咪，你竟然為咗食而唔煲粥仔俾我，你陣間快啲俾多啲嘢食我補番數！如果唔係就嬲你架！
唔．．．好味！呢度有嘜啱我食？
其實除咗sushi & sashimi，樣樣都啱我食！
我而家食緊蒸蛋．．．．
食完lunch，我哋响尖沙咀行街街。到下晝5點，我哋就去咗．．．．
Ocean Park！我哋係玩夜場．．．．
之前好幾次媽咪話同我黎，但係爸爸話我太細未識玩！
其實爸爸，我細細個已經識玩．．．你同媽咪啦！
竟然偶遇琪琪ee呀！我哋真係幾有緣喎．．．．
嘩！好多魚魚氫氣球呀！
琪琪ee 幫我哋影張全家福啦！
但係我唔識呢隻野架喎！點解佢同我哋一齊影？
爸爸你點抱架？露臍喇！
咁抱都唔係好好多咋喎，爸爸！
張石櫈凹凹凸凸，好恐怖呀！
未識行但係又鍾意喪跑．．．．
好似對panda好有興趣喎！
跟住我哋去玩摩天輪．．．．
點解咁耐都未開始轉既？
咁就不如偷影吓家姐佢哋啦．．．．
升高咗之後望啲景都ok喎 ！
玩完摩天輪，就去公園玩一陣．．．．
唔知係咪人多既關係，阿b好似玩得比平時興奮喎！
第一次坐旋轉木馬．．．．
不過隻馬高得滯，攪到我好似就跌就跌咁．．．．
咦！嗰度咪係亞洲動物館？
好緊張呀，爸爸，係咪會見到廣告裏面啲動物架？
呢條咩黎架？
浮响度郁都唔郁既？
呢度有兩隻小熊貓．．．．
阿b非常好奇，响度猛咁手指指．．．．
個身仲越伸越出添．．．．
阿b真係幾鍾意熊貓喎！臨走仲'lur'媽咪買咗隻毛毛panda添！
行行吓，又撞到BoBo表姐！哈！今日唔通係好日？竟然巧遇兩個識既人．．．．
呢豎有好多魚魚睇，不過佢哋唔係爸爸鍾意既鹹水魚喎！
跟住同大伯一家起行去搭吊車．．．．
阿b完全無畏高，係媽咪有啲驚啫！
去完海洋館，阿b開始眼瞓，要攞奶咀啜．．．．
响海洋館影既全家福。
阿b好心野，雖然眼瞓，仍然捱到搭的士走嗰陣先至瞓著．．．．結果要第二朝起身先玩佢既戰利品！
呢隻小蜜蜂我好鍾意．．．．
係爸爸射籃嬴番黎架！
呢隻panda曉自己行．．．．
我最鍾意趁佢行緊既時候襲擊佢－－狠狠地將佢禁落地！
後話:
經過今次既Ocean Park一役，爸爸又係講嗰句：辛苦過番工！
媽媽就話：睇黎阿b玩成日都頂得住，咁下次可以去Disney喇！
沒有留言:
張貼留言