今日係5月1日，對爸爸黎講，今日係真真正正既勞動節，因為我哋約咗心心表姐、詩詩表姐、芬姨、姨媽姨丈佢哋去踩單車．．．．咁佢當然要負責踩埋我皓皓bb同埋媽咪啦！
我哋一家三口又係租番上次坐嗰隻車．．．．
點解爸爸仲唔上車？佢唔上車，邊個踩？
咦？7豬丈，不如你踩呃？
吓？你自己踩一架？咁冇義氣架你．．．．
唔少得既節目，就緊係打吓韆鞦．．．．
玩吓搖搖木馬．．．．
同心心、詩詩表姐响公園玩吓．．．．
臨尾爸爸挑戰自己呀！佢話踩埋心心表姐同詩詩表姐．．．．
結果過程緊張刺激，搞到心心表姐同詩詩表姐全程尖叫！
影張海景留念吓先．．．．
呢度仲有好大片、好大片既草地．．．．
踩完單車，心心表姐去我屋企陪我玩帳幕波波池，yeah！
~~ Bye Bye~~
一次過出兩篇blog？邊個叫我媽咪成日唔得閒，唔可以日日都update個blog喎！
星期日，晏晝去完表叔既生日會，又要出九龍同公公慶祝生日，好忙呀．．．．
其實去到生日會已經係尾聲喇，費事再嗌野食啦！所以得薯條食咋！
睇個咀形，係咪好似人哋擔住支煙仔？
呢日最開心就係玩波波．．．．
原來阿b唔係咁鍾意食呢隻蛋糕喎，食到想'lur'番出黎！
咁樣睇，家姐個身好似長阿b好多！唔怪得之個醫生話阿b個身長未夠啦！
家姐做嘜同細表叔互啤？
好難先影到張合照．．．．
自己舉高個波fing 黎fing去，好開心！
阿b真係攪笑，個波拍得越大力佢就越開心！
但係一停落黎又扭計要走．．．．
又唔肯俾人抱，阿b，你就黎攰屎媽咪喇．．．．
我宜家每朝早起身既指定動作就係企响窗邊睇風景，上星期六朝早起身，我揭開窗簾一睇．．．．嘩！落好大雨，個天仲黑晒添！吓！點去街街呀？？？
不過媽咪都係無懼，趁個天冇咁黑，就揹起我，秤住個大袋，擔把遮，就出發去九龍．．．．
我哋去咗尖沙咀行街街．．．．
嘩！呢架疑似學行車既物體好多野玩喎！
當然有我至鍾意既「轉轉」啦！
上次話要歌頌爸爸，我唔係得個講字架！
你哋睇吓我衫上面啲字－－
'MY DAD IS MY HERO' ,hahahaha！
呢部琴琴好多掣喎！
呢度實在太多玩具喇，睇到我眼都花晒！
阿b真係大個仔咯，以前黎呢度，佢都唔會'lur'落地玩，宜家玩到唔肯走．．．．
俾埋响屋企玩啲相大家睇呃！
啱岩瞓醒，等沖涼！
呢張搖搖椅唔夠我瞓啦！宜家變咗我張食飯椅。
笑到個口咁大，俾人哋睇到我一隻牙仔都未有添！
洗完白白，舒服晒！
呢對就係爸爸媽咪買俾我既涼鞋仔。
不過我一著咗就搣個魔術貼，攞黎玩多過似攞黎著囉！
呢條魚既尾巴發吓發吓，幾恐怖！媽咪仲話攞佢同我一齊沖涼添．．．
我件紅色包包超人衫同個包包超人帳幕係咪好襯呢？
我朝朝早都要攞野食，媽咪通常搵個吉既益力多樽黎打發我．．．．
不過吉既樽都仲可以'lam'到少少味．．．．
一路'lam'一路睇電視，都係人生一大樂事！
吓！益力多廣告？
佢就好啦！佢嗰支滿架！
你哋睇吓阿b條口水絲．．．．
以上情節純屬虛構，阿b只係睇電視廣告睇到入晒神啫！
