上星期六（４月４日），既係清明節，又係兒童節。嗰一日，我哋去咗屯門拜山，不過因為青松觀人多煙多，我咁細個唔係咁適宜去，結果係，爸爸代表我同媽咪去做清明節應該做既野；而我就留响舅公屋企，做兒童節應該既野．．．．即係嘜野？咪就係玩囉！
嗰日我哋租咗架旅遊巴－－出發lu！
但係點解爸爸、嫲嫲、大伯仲唔上車，係咁响下面同我揮手既？
去到舅公屋企－－細表叔都冇得去拜山，所以有人陪我玩！
聽講細表叔孔武有力、脾氣臭臭架喎！其實都唔係啫！我哋相處得幾愉快呃，佢仲好溫柔咁摸我個頭添！
阿b你咁快下定論似乎太武斷喇！
咦？呢個咪我送俾細表叔既玩具．．．．
哎呀！原來咁好玩架？有啲後悔送咗俾佢添．．．．
呢個時候，細表叔失驚無神－－搶呀！
阿b拼命護住件玩具，但邊豎敵得過力大無窮既細表叔呃！４、５秒後，終於失守．．．．跟住狂喊！
雖然睇住阿b喊有啲唔忍心，但係都好既！俾佢知道好多野唔係話自己想要就一定有，亦測試到阿b其實都幾大力架！因為面對咁強勢既敵人，佢都可以堅守到４、５秒．．．．
爸爸拜完山番黎，心情異常亢奮－－因為佢個魚友住响舅公樓上，佢終於可以去人哋屋企睇吓人哋個靚靚魚缸喇！
註：爸爸愛魚既程度可以話係瘋狂，上到人哋屋企，佢淨係痴痴咁望住個魚缸，完全唔理佢個仔我呀！好彩我都有好多野玩．．．．
咦？發現新大陸．．．．
快啲爬、快啲爬．．．．就快到喇．．．．
終於到啦．．．．貓貓，你好嗎？
阿b既熱情，嚇到貓貓左竄右竄．．．．
嗰晚我哋食埋飯先至走，成日冇嘜瞓過既阿b，開始勁扭計．．．．嫲嫲唯有餵佢食橙先可以止到喊！
啜啜吓橙汁，阿b以為自己啜緊奶奶，差啲瞓著！
見咁高興，俾大家睇吓阿b第三種交叉腳既睡姿啦！
註：第一種－－隻腳撐起，好似打緊功夫咁！
第二種－－攬住攬枕側睡
Bye～～下次見！
沒有留言:
張貼留言