禮物大檢閱

最近呢個禮拜，媽咪陸陸續續將各位親朋戚友送俾我既禮物拆開，睇吓啱唔啱我心水先．．．．

   

　好野，開生日會嗰日收到咁多禮物，好開心呀！

　除咗文契爺送既tee同埋靄婷表姐送既poohpooh衫，其他全部都係玩得既！

　

　呢份包得咁靚既我記得係烏蠅契爺送架喎！咩黎架呢？

　

　拆開睇睇先．．．．

　

　哦～～原來呢份都係唔玩得既，係我用開既沖涼用品。

　

　烏蠅契爺，你好細心喎！你又知我用開呢個牌子既？

　

　呢份沖涼玩具應該係BoBo表姑姐送既，好好玩架．．．．

　

　拉長條繩，放出去．．．．

　

　跟住佢就識游水架喇！

　

　Ceci EE都幾知我心意．．．．

　

　呢個好似蛋既物體識轉架！我最鍾意識轉既野．．．．

　

　

媽咪之前應承買隻小蜜蜂俾我，結果冇買．．．．好彩bear bear契爺你買俾我咋！

　

　首歌好好聽，你哋睇我幾enjoy？

　

    隻蜜蜂仔識得自己縮番入個蜂巢度，好得意呀！

　　　

　　　Fion EE，你另外嗰份砌波波玩具已經俾我玩到解體，殘肢四散。

　　　至於呢份．．．．

　　　

　　　識得攞啲積木出黎．．．．

　　　

　　　不過唔係攞黎入窿窿，係攞黎擘落地！

　

　哈哈哥哥，我可以同你一齊做紳士喇！

　其實媽咪都想買呢條口水肩好耐架喇，多謝你，Fion EE！

　

　神童輝契爺，點解將你送既Thomas車車掉轉？

　

　因為我淨係鍾意玩個轆轆，哈哈！

　

到呢刻為止唯一未拆既禮物－－麵包超人，因為媽咪話好靚，唔係好捨得拆。

蕎爸爸，多謝你啦，嗰晚出錢又出力，不枉我平時咁跟你．．．．

最後，我仲要多謝芬姨送既１字蛋糕；公公婆婆、嫲嫲、舅父舅母、姨媽姨丈、蕎爸爸蕎媽媽既利是，我响呢度一次過「呵」晒你哋！